Үндэсний телевиз
Цагийн хүрд
Найм арваннэг
Олон улсын сонирхогчдын боксын холбооны (AIBA) Швейцарийн Лозаннь хотноо өнөөдөр болсон ээлжит бус хурлаар Мэргэжлийн боксын тамирчдыг “Рио-2016” олимпийн их наадамд оролцох асуудлыг хэлэлцэж, дэмжсэн саналтайгаар өндөрлөжээ.
Энэ хуралд ОУСБХ-ны 88 гишүүн орны төлөөлөгч оролцож санал хураахад 84 нь санал нэгтэй дэмжсэн байна.
ОУСБХ-ны 2013 оны шийдвэрээр мэргэжлийн боксын рингэнд 15-аас доош тоглолт хийсэн, богино хугацааны гэрээтэй тамирчин олимпид оролцож болно гэсэн хязгаарласан заалт гаргаж байв. Гэвч шинэ дүрмийн өөрчлөлтөөр ямар ч мэргэжлийн тамирчин нас, туршлага хамаарахгүйгээр олимпид оролцох эрхтэй боллоо.
Мэргэжлийн боксчид олимпийн эрхийн төлөөх хамгийн сүүлчийн тулаанаа Венесуэлийн Варгас хотноо ирэх долоодугаар сарын 3-8-нд хийх бөгөөд үүнээс олимпийн 26 эрх олгоно. Тус тэмцээнд Монгол Улсын гавьяат тамирчин, “Лондон-2012” олимпийн наадмын мөнгөн медальт Н.Төгсцогт оролцох билээ.
Дээрх шуурхай зарласан хуралд Монголын боксын холбооны ерөнхий нарийн бичгийн дарга Ц.Батнасан оролцжээ.
| Н.Төгсцогт олимпийн эрхийн төлөө өрсөлдөнө | ||
| Үзсэн: 1432 | Mongolian National Broadcaster |
У.Баярсайхан
Л.Мөнхтөр
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.