Монголын пауэрлифтингийн нэгдсэн холбооны 13 тамирчин олон улсын хоёр тэмцээнд хуваагдан оролцох гэж байна. Эхлээд Энэтхэгийн Удайпур хотод насанд хүрэгчдийн Азийн АШТ энэ сарын 7-12-нд болох бөгөөд манай улсаас зургаан тамирчин хүч үзэх юм.

Багийн бүрэлдэхүүнд 59 кг-д М.Батмөнх, опен ангиллын 83 кг-д Азийн АШТ-ий хүрэл медальт Б.Гансүх, 96 кг-д Азийн АШТ-ий мөнгөн медальт М.Батбаяр, 105 кг-д Азийн АШТ-ий хүрэл медальт Ш.Батзул, мастер ангиллын 120 кг-д Азийн аварга Ц.Үүрцайх, +120 кг-д Д.Отгонбаяр нар оролцохоор өнөөдөр тэмцээн болох улс руу хүлгийн жолоо зална.

Мөн АНУ-ын Техас мужид хувцас хэрэлэлгүй төрлийн насанд хүрэгчдийн ДАШТ энэ сарын 19-29-нд болно. Үүнд манай улсаас дасгалжуулагч Х.Энхболдын удирдлага дор долоон тамирчин өрсөлдөнө. Тодруулбал 74 кг-д ДАШТ-ий хүрэл, Азийн аварга С.Энхбат, 93 кг-д ДАШТ, Азийн АШТ-ий хүрэл медальт Ю.Сүх-Очир, 105 кг-д Азийн аварга Л.Ариунжаргал, 120 кг-д Азийн аварга Л.Жаргалсайхан, опен ангилалын 93 кг-д Азийн аварга Х.Баттөмөр, 120 кг-д ДАШТ-ий хүрэл, Азийн АШТ-ий мөнгөн медальт Б.Чимэдцэрэн, +120 кг-д Азийн аварга Д.Анхбаяр нар оролцох юм.