Бразилийн нийслэл Рио Де Жанейро хотноо болж буй Зуны олимпийн XXXI наадмын Хүндийн өргөлтийн эрэгтэйчүүдийн огцо болон түлхэлттэй өргөлтийн төрөлд  Казахстаны тамирчин Ниджат Рахимов огцом өргөлтөөр 165 кг-ыг, түлхэлттэй өргөлтөөр 214 кг-ыг нийлбэр дүнгээр 379  кг-ыг өргөснөөр  алтан медалийн болзол хангаж “Рио 2016” олимпийн наадмын аварга боллоо.  

Харин БНХАУ-ын тамирчин Лю Хяоюн огцом өргөлтөөр 177 кг-ыг,  түлхэлхэлттэй өргөлтөөр 202 кг-ыг  нийлбэр дүнгээр 379  кг-ыг өргөснөөр  “РИО 2016” олимпийн наадмаас мөнгөн медаль хүртлээ.  Тэрбээр 2012 оны  Бээжингийн олимпод огцом өргөлтөөр 176 кг-ыг өргөж дэлхийн болон олимпийн рекордыг тогтоож байсан бол өнөөдөр мөн өөрийн рекордыг эвдэн 177 кг-ыг өргөж  дэлхийн рекордыг дахин шинэчлэн тогтоолоо. Түүний хувьд 2012 оны Бээжингийн олимпийн аварга, 2009- 2011 оны Дэлхийн аварга бөгөөд  орсон тэмцээн бүрээсээ алтан медаль авдаг шилдэг тамирчдын нэг юм.

Түүнчлэн тэмцээий хүрэл медалийг Египетийн тамирчин Мохамед Махмоуд  хүртсэн бөгөөд тэрбээр  огцом өргөлтөөр 165 кг-ыг, түлхэлттэй өргөлтөөр 203 кг-ыг нийлбэр дүнгээр 368   кг-ыг өргөсөн байна.