Үндэсний олон нийтийн цахим хуудас болох mnb.mn сайт уншигч та бүхэнд Сум, дүүргийн ИТХ-ын сонгуулийн санал хураалтын явцын мэдээг нийслэл, орон нутгаас цаг тутамд авч шинэчлэн хүргэж буй.

Хөвсгөл аймгийн хэмжээнд 82500 иргэн сонгуулийн нэрсийн жагсаалтад бичигдсэнээс 17:00 цагийн байдлаар 36485 иргэн санал өгч дундаж ирц 44.2 хувьтай байна. Өнөөдөр их хэмжээний цас орсны улмаас Рашаант сумын нутагт зам даваа хаагдсан. Тиймээс шаардлагатай шатахууны зардлыг аймгийн сонгуулийн хорооноос шийдвэрлэж өгчээ.

Сонгуулийн ирц Шинэ-Идэр, Төмөрбулаг, Тариалан, Арбулаг суманд бага байгаа бол Жаргалант суманд хамгийн өндөр 60 гаруй хувьтай байна. Одоогоор ямар нэг зөрчил маргаан гараагүй бөгөөд аймгийн хэмжээнд 684 ажиглагч ажиллаж байна. Сонгуулийг 1327 төрийн албан хаагч хуулийн хүрээнд зохион байгуулж байгаа ажээ.