Үндэсний телевиз
Цагийн хүрд
Найм арваннэг
Сонирхогчдын бодибилдинг фитнесийн ес дэх удаагийн ДАШТ маргааш эхэлнэ. Уг тэмцээнийг манай улс анх удаа хүлээн авч байгаа бөгөөд 400 гаруй тамирчин оролцохоор мэдүүлгээ өгчээ.
Дэлхийн бодибилдинг фитнесийн холбоо (WBPSF)-с тус тэмцээнийг зохион байгуулдаг бөгөөд өөрийн гишүүнчлэлтэй 134 орны баг тамирчдыг нээлттэйгээр оролцуулдаг уламжлалтай.
Энэ жилийн тэмцээнд оролцогчид залуучууд, насанд хүрэгчид, ахмад гэсэн гурван насны ангилалаар, 42 багц медалийн төлөө өрсөлдөх аж.
Шагнал урамшууллын хувьд ангилал тус бүрийн ялагчдыг тодруулахаас гадна фитнес модель, бодибилдинг моделуудыг тодруулах юм.
Tэмцээний гол шагнал нь “Mr Universe” юм. Энэхүү шагналыг бүх жингийн аваргууд дундаас тодруулдаг бөгөөд ДАШТ-ий хамгийн нэр хүндтэй шагналд тооцогдоно.
Ес дэх удаагийн сонирхогчдын бодибилдинг фитнесийн ДАШТ “Палас” цогцолборын их танхимд болох бөгөөд гурван өдөр үргэлжилнэ.
| Бодибилдинг фитнесийн ДАШТ маргааш эхэлнэ | ||
| Үзсэн: 997 | Mongolian National Broadcaster |
А.Ариунзаяа
Р.Слава
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.