Дэлхийн хамгийн анхны виртуал загвар өмсөгч бүсгүй Шуду Грэмийн талаарх мэдээлэл олон улсын хэвлэл мэдээллийнхний анхаарлыг ихээр татаж байна. Энэ загвар өмсөгч үзэсгэлэнт бүсгүй бол бодит биш бөгөөд хийсвэр бүтээл юм. Сүүлийн үед загварын ертөнцөд амилуулж байгаа шинэ загварын хувцсыг өмсдөг тэрээр цахим сүлжээнд тэрээр нэлээд алдартай болоод байгаа. Мэргэжилтнүүд түүнийг загварын шоу ертөнцийн ирээдүйн шинэ хэв маяг хэмээн онцолж байна.

Тодруулбал, Инстаграмм цахим сүлжээнд Их Британийн зураач, зурагчин Кэмерон Жеймс Уилсон тоон системийн аргачлалаар гоо үзэсгэлэнтэй, хар арьст загвар эмэгтэй бүсгүйг бүтээсэн байна. Тэр бүү хэл Шуду Грэм гэгч өвөрмөц нэрийг хүртэл өгөөд байгаа нь энэ. Виртуал загвар өмсөгч аль хэдийнээ өөрийн гэсэн инстаграмм хуудастай болж, олон сая дагагчтай болоод байгаа. Түүний танилцуулж байгаа шинэ загварын хувцас, гоёл чимэглэл хэдэн арван "Like" цуглуулаад байна.

Бараг өдөр алгасалгүй шинэ зургууд нь нийтэлдэг энэ гайхалтай төгс мэт бүсгүйг компьютер графикаар бүтээх гэж зөвхөн нэг л зураглалыг урлахад 2-3 өдрийг зарцуулдаг гэж зохион бүтээгч Кэмерон Жеймс Уилсон онцолсон юм. Тэрээр виртуал загвар өмсөгчийг бий болгохын тулд бүхий л тивийн сайхан бүсгүйчүүдийг судалсан гэдэг. Эцэст нь хамгийн өвөрмөц олны анхаарлыг татаж чадах зүйл бол өнгөт арьст эмэгтэй гэдэг шийдвэрт хүрчээ. түүний судалгаан дээр өнөөдөр дэлхий ертөнц дээр маш үзэсгэлэнтэй олон арван сая бүсгүйчүүд байдгийг олж мэдсэндээ баяртай байдгийг хэлсэн байна.

---

	Виртуал загвар өмсөгч инстаграмм хуудаснаа шуугиан тарьлаа
Үзсэн: 1449	Mongolian National Broadcaster