Үндэсний телевиз
Цагийн хүрд
Найм арваннэг
Вьетнамын парламент буюу Үндэсний ассамблей санал хураалт явуулж шинэ Ерөнхийлөгчөө сонголоо. Мягмар гарагт болсон Ерөнхийлөгчийг сонгох санал хураалтад тус улсын Коммунист намын дарга Нгуен Фу Чонг ганцаараа нэр дэвшиж, шинэ Ерөнхийлөгч болсон байна.
Нэг намын удирдлагад байдаг энэ улсын хувьд Ерөнхийлөгч нь Төрийн тэргүүн байхаас гадна, эрх баригч намын даргын дараа орох хоёр дахь хүнд тооцогддог байна.
Мөн энэ улсын тогтолцоогоор дээрх хоёр албыг нэг хүн зэрэг хашна гэдэг ховор тохиолдол байна. Вьетнамын анхны Ерөнхийлөгч Хо Ши Мин 1950-1960-аад оны үед эрх баригч намын дарга, Ерөнхийлөгчийн албыг зэрэг барьж байсан хүмүүсийн нэг байна.
Дөнгөж шинээр сонгогдоод байгаа Ерөнхийлөгч Нгуен Фу Чонг улс орны хэмжээнд авлигын эсрэг үйл ажиллагаа явуулж байгаа юм. Вьетнамын найм дахь Ерөнхийлөгч Чан Дай Куанг хүнд өвчний улмаас өнгөрөгч есдүгээр сард нас барсан юм.
| Нгуен Фу Чонг Вьетнамын Ерөнхийлөгч болов | ||
| Үзсэн: 562 | Mongolian National Broadcaster |
А.Ариунзаяа
Р.Слава
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.