Үндэсний телевиз
Цагийн хүрд
Найм арваннэг
Газар дундын тэнгисийн хэсэг-Ионы тэнгис дагуу буюу Грекийн эрэг орчим 6.8 магнитудын хүчтэй газар хөдөлж, бага хэмжээний цунами болж магадгүй гэсэн анхааруулга өгч байна.
Өчигдөр өглөө болсон газар хөдлөлийн төв нь далайн гүний 16.6 км-т байж, жуулчид ихээр ирдэг Закинф аралд хүрсэн байна. Эхний мэдээллүүдээр ноцтой хохирол байхгүй ч арлын цөөн тооны байшин барилгад нуралт үүсчээ.
Мөн Закинф арлын өмнөд хэсэгт байдаг нэг жижиг арал дээрх 13 дугаар зууны үеийн сүм хийдийн цамхаг газар хөдлөлтөд өртсөн ч хохирлын хэмжээ тодорхойгүй байна.
Грекийн өмнөд эрэг дагуу болсон энэ удаагийн газар хөдлөлийн хүч Мальт, Ливи, Итали, Македон, Албани, Босни, Болгар, Турк гэсэн найман улсад мөн мэдрэгджээ.
Европ-Газар дундын тэнгис судлалын төвөөс бага хэмжээний цунами болж, хэдэн цаг үргэлжилж магадгүй хэмээн анхааруулсан. Мөн нутгийн иргэдийг цунами ажиглахаар эрэг рүү явахгүй байхыг зөвлөж байна.
| Грекийн эрэг орчим 6.8 магнитудын хүчтэй газар хөдлөв | ||
| Үзсэн: 621 | Mongolian National Broadcaster |
А.Ариунзаяа
Р.Слава
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.