“Бухарест-2018” 23 хүртэлх насанд хүрэгчдийн ДАШТ-ий эмэгтэйчүүдийн 62 кг-ын жинд үндэсний шигшээ баг, “Хилчин” спорт хорооны тамирчин, ОУХМ Э.Гантуяа Монголын багийн гурав дахь хүрэл медалийн эзэн боллоо.

Э.Гантуяа өчигдөр 1/8 шигшээ барилдаанд Японы Юүкако Кавайд оноогоор цэвэр (2:12) ялагдсан. Японы бөх шигшээд шалгарсан тул Э.Гантуяа дагаж барилдан Беларусийн Кристина Сазыкинаг оноогоор цэвэр (14:2) ялж, хүрэл медалийн төлөө өсвөр үе, залуучуудын 23 хүртэлх насны ЕАШТ-ий медальт, эзэн орны Кристу-Тунде Инцетэй хүч таарсан.

Ийн Румыний бөхийг нутгийнх дэвжээнд, олон дэмжигчийнх нь өмнө 4:2 оноогоор буулгаж авлаа.

Сонирхуулахад, Э.Гантуяа өнгөрсөн жил Польшид болсон “U-23”-ын анхны ДАШТ-д 60 кг-ын жинд хүрэл медаль хүртсэн бөгөөд ийн энэ ангиллын ДАШТ-ийн хошой медальтан болов.