“Энэ биеийг минь төрүүлж өсгөсөн аав ээж, Тамирын голыг өгсөж уруудаж загас жараахай эргүүлдсэн балчирхан үе, улаан таван хошуутай даавуун цүнх үүрч сургуулийн танхимд орсон хүүхэд насны хөгжилтэй, баяр баясгалантай цаг мөчүүд, нэг ангид тохой залган суусан анд найзууд маань сэтгэл зүрхэнд мөнхрөн үлджээ. Тийм ч учраас энэхүү номынхоо эхэнд өөрийн бичсэн дурсамж, дотоод сэтгэлийнхээ илэрхийлэл болгосон ярилцлага, улс төрч миний талаар сэтгүүлчийн хийсэн дүгнэлтийг оршил болговой” хэмээн өгүүлэх хүн бол төр, нийгмийн нэрт зүтгэлтэн, Монгол Улсын гавъяат багш, доктор Профессор Самбуугийн Ламбаа юм. Тэрээр энэхүү үгээ өөрийн сүүлд гаргасан “Итгэл-Зүтгэл” номынхоо оршилд бичжээ.