Шууд Chart

Ноолуурын ханш тогтворжих нөхцөл бүрджээ

2019-05-20 14:03:35

Ноолуурын ханш тогтворжих нөхцөл бүрджээ. Учир нь Үндэсний үйлдвэрүүд шаардлагатай түүхий эдээ бүрэн авч дуусаагүй. Үүнтэй холбоотойгоор Хөгжлийн банкнаас аж ахуйн нэгжүүдэд эргэлтийн хөрөнгийн зээл олгохоор болжээ.

Мөн малчид болон үйлдвэрүүдийг шууд холбох ноолуурын дуудлага худалдааг Говь-Алтай, Баянхонгор аймгийн зарим сумдад зохион байгуулахаар төлөвлөжээ.

Хөдөө аж ахуйн биржийн гүйцэтгэх захирал Х.Баатар “Манай улс жилд 9.5 мянган тонн ноолуур бэлтгэж олон улсын болон дотоодын зах зээлд нийлүүлдэг. Одоогоор нийт ноолуурын 70 орчим хувийг худалдан борлуулжээ. Баруун аймгийн малчид ямаагаа самнаж байна. Малчид ноолуурын ханш унаж байна гэж яаран борлуулах шаардлагагүй. Ханш тогтворжих нөхцөл бүрдсэн. Нөгөө талдаа хэн нэгэн худалдаа эрхлэгчийн хэлсэн үгээр үнэ цэнтэй бүтээгдэхүүнээ борлуулахгүй байх, өөрсдийн ханшаа хэлэлцэж зарах хэрэгтэй”-г санууллаа.

Хөдөө аж ахуйн биржийн өнөөдрийн арилжаагаар 20 тонн боловсруулаагүй бараан ноолуур, 5.5 тонн цайвар ноолуурыг кг-ыг нь 117-119 мянган төгрөгөөр арилжаалсан байна.  

Нийтэлсэн: Д.Баяржаргал

Ноолуурын ханш тогтворжих нөхцөл бүрджээ  
Үзсэн: 1374 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй