Хашаа тойрон ургах мод бут, дунд нь ногоорох  зүлэг, тоглоомын, дасгалын талбай,  цааш нь ахиулаад  харвал усан оргилуур, ногооны хүлэмж, хайрган талбай. Эдгээрийг гэрэлтүүлэгтэй явган зам холбоно.

Энэ бол нийслэлийн Хан Уул дүүргийн 10-р хороо, Морингийн давааны баруун хойхно амьдрах Ж.Очирбатынх. 0,07 га газарт  цэцэрлэгт хүрээлэн байгуулж, хотын гэр хороололд хэрхэн “эко” амьдарч болохыг харуулсан  нийслэлийн  чамбай айлуудын нэг нь яах аргагүй эднийх.  Тиймээс ч 2018 оны нийслэлийн  “Шилдэг тохижилттой өрх” өргөмжлөлөөр шалгарчээ.  Хамтдаа туршлага судлая.