2 цагийн өмнө

Жо Байден Украинд яаралтай цэргийн тусламж үзүүлэх тухай санамж бичиг гаргажээ.

2 цагийн өмнө

Украины Зэвсэгт хүчин Луганскийн долоон суурин руу өнөөдөр есөн удаа гал нээжээ. Энэ тухай гал зогсоох дэглэмийн хяналт зохицуулалтын нэгдсэн төвөөс мэдэгдлээ. Донецкийн сууринд таван байшин эвдэрчээ.

3 цагийн өмнө

Украинд байгаа Казахстаны 500 гаруй иргэн эх орондоо буцаж ирэхэд нь туслалцаа үзүүлэхийг хүсч, улсынхаа Элчин сайдын яаманд ханджээ. Энэ тухай бямба гарагт Казахстаны ГХЯ-ны хэвлэлийн алба мэдээлсэн байна. Казахстаны иргэд гол төлөв Киевт байна. Тухайлбал, Киевт - 264 хүн, Одесса мужид - 30, Харьковт - 18, Львовт - 17, Днепропетровскт - 13, Полтавад - долоо, Черкасст - дөрөв, Луганскт - хоёр, Ивано -Франковскт - хоёр, Житомирт - хоёр гэж тайланд дурджээ.

3 цагийн өмнө

Украины нутаг дэвсгэрээс нүүлгэн шилжүүлсэн Мексикийн иргэдийн эхний хэсэг Румын улсад ирлээ. Энэ тухай баасан гарагийн орой тус улсын Гадаад хэргийн сайд Марсело Эбрард твиттер хуудсандаа мэдэгдлээ. Баасан гарагт Марсело Эбрард Мексикийн Агаарын цэргийн хүчний онгоцыг эх орон нэгтнүүдээ Румынаас нүүлгэн шилжүүлэхэд ашиглах болно гэж мэдэгдсэн юм. Пүрэв гарагт Марсело Эбрард Украины нутаг дэвсгэрт Оросын зэвсэгт хүчин байгааг буруушааж, энэ улсын нутаг дэвсгэрийн бүрэн бүтэн байдлыг хүндэтгэхийг шаарджээ.

3 цагийн өмнө

Гватемалын эрх баригчид Украины нөхцөл байдалтай холбогдуулан ОХУ-аас Элчин сайдаа эргүүлэн татахаар болжээ.

4 цагийн өмнө

АНУ-ын Засаг захиргаа ОХУ Украинд  цэргийн тусгай ажиллагаа явуулж байгаатай холбогдуулан Украины Ерөнхийлөгч Владимир Зеленскийг Киевээс гарахад нь туслахад бэлэн байна гэж мэдэгдлээ. Энэ тухай баасан гарагт The Washington Post сонин эх сурвалжаасаа иш татан мэдээлсэн юм.

4 цагийн өмнө

АНУ-ын Төрийн нарийн бичгийн дарга Энтони Блинкен Молдавын Ерөнхийлөгч Майя Сандутай утсаар ярихдаа Украины нөхцөл байдлын талаар ярилцжээ. Энтони Блинкен ОХУ-ын Украйны эсрэг санаатай, үндэслэлгүй, халдлагыг эрс буруушаалаа.

Хоёрдугаар сарын 25-ны 16:19 цаг

Их Британийн Гадаад хэргийн яамнаас ОХУ-ын Белград, Брянск, Курск, Ростов, Воронеж мужуудын хилийн бүсэд хийх аливаа аяллыг зогсоохыг зөвлөжээ.

Хоёрдугаар сарын 25-ны 16:14 цаг

НҮБ-д суугаа Украины байнгын төлөөлөгч хэлэлцээрт бэлэн байгаагаа мэдэгдэв.

Хоёрдугаар сарын 25-ны 16:11 цаг

Францын Ерөнхийлөгч Эммануэль Макрон Украины Ерөнхийлөгч Владимир Зеленскийтэй утсаар ярихдаа Орос улсыг олон улсын банк хоорондын SWIFT системээс салгахыг дэмжлээ.

Хоёрдугаар сарын 25-ны 16:04 цаг

НҮБ-ын Ерөнхий нарийн бичгийн дарга Украины хүмүүнлэгийн зохицуулагчийг томилсноо мэдэгдэв.

Хоёрдугаар сарын 25-ны 16:02 цаг

Токио ОХУ-ын Украинд явуулж буй цэргийн ажиллагаатай холбогдуулан Энхийн гэрээ байгуулах асуудлаар Москватай хийх хэлэлцээний стратегиа шинэчилж магадгүй байна.

Хоёрдугаар сарын 25-ны 15:54 цаг

Орос улс Украин болон Украины ард түмэнтэй дайн хийхгүй байгаа бөгөөд цэргийн тусгай ажиллагааны зорилго удахгүй биелнэ гэж НҮБ-д суугаа ОХУ-ын Байнгын төлөөлөгч Василий Небензя мэдэгдэв.

Хоёрдугаар сарын 25-ны 15:29 цаг

НҮБ-ын Аюулгүйн зөвлөл Украин болон Донбасст амь үрэгдэгсдийн дурсгалыг хүндэтгэн дуугаа хураав.

Хоёрдугаар сарын 25-ны 15:25 цаг

Украинд болж буй үйл явдлууд Хятадад гүн түгшүүр төрүүлж, Хятадын харж байгаагүй хэмжээнд хүрлээ гэж НҮБ-д суугаа Хятадын байнгын төлөөлөгч Жан Жүн НҮБ-ын Аюулгүйн зөвлөлийн хуралдааны үеэр мэдэгдэв.

Хоёрдугаар сарын 25-ны 15:24 цаг

Небензя НҮБ-ын Аюулгүйн зөвлөлийн Украины асуудлаарх тогтоолын төслийг Оросын эсрэг гэж нэрлэжээ.

Хоёрдугаар сарын 25-ны 15:16 цаг

Латвийн Батлан хамгаалахын сайд Артис Пабрикс улсын агаарын орон зайг Оросын агаарын хөлгүүдэд хаахыг санал гаргалаа.

Киев дэх БНХАУ-ын Элчин сайдын яамнаас Хятад иргэдийг Украинчуудтай тодорхой сэдвээр маргаан үүсгэхгүй байхыг уриалав. Энэ тухай Хятадын олон нийтийн сүлжээ WeChat дахь өөрийн дипломат төлөөлөгчийн газрын хаягаар нийтэлсэн байна. Украины оршин суугчидтай найрсаг харилцаа тогтооход ихээхэн анхаарал хандуулж, тодорхой сэдвээр маргаан гарахаас зайлсхийж, асуудлыг найрсаг байдлаар шийдвэрлэхийг хичээх хэрэгтэй гэж ЭСЯ-ны мэдэгдэлд дурджээ. Түүнчлэн дипломат төлөөлөгчийн газраас Хятадын иргэдийг цэргийн байгууламж, зэвсэглэсэн хүмүүст ойртохгүй байх, мөргөлдөөний дүрс бичлэг хийхгүй байхыг уриалав.

Хоёрдугаар сарын 25-ны 14:27 цаг

Европын холбоо В.Путин, С.Лавров нарын эсрэг хориг арга хэмжээ авлаа.

Хоёрдугаар сарын 25-ны 14:27 цаг

Олон улсын валютын сангийн гүйцэтгэх зөвлөл Украиныг үргэлжлүүлэн дэмжиж, Дэлхийн банкны групптэй хамтран ОХУ-ын эсрэг гаргах хүчин чармайлтаа зохицуулах гэж байна. Энэ тухай ОУВС-гийн гүйцэтгэх захирал Кристалина Георгиева мэдэгдэлдээ дурджээ.

Хоёрдугаар сарын 25-ны 14:24 цаг

Швед, Финлянд улс анх удаагаа НАТО-гийн хүрээнд MSI формат гэж нэрлэгддэг форматыг ашиглан Хойд Атлантын эвсэлтэй гүнзгий мэдээлэл солилцох боломжтой гэж TT мэдээллийн агентлаг баасан гарагт мэдээлэв.

Хоёрдугаар сарын 25-ны 14:24 цаг

Цахилгаан бараа үйлдвэрлэгч Dell Орос, Украин дахь борлуулалтаа зогсоолоо.

Хоёрдугаар сарын 25-ны 14:23 цаг

Fitch агентлаг Украины урт хугацааны зээлжих зэрэглэлийг “CCC” болгон бууруулжээ.

Хоёрдугаар сарын 25-ны 14:21 цаг

Европын холбоо хоёрдугаар сарын 28-наас хойш ОХУ-тай байгуулсан визийн хөнгөлөлтийн хэлэлцээрээ түр зогсоолоо.

Хоёрдугаар сарын 25-ны 14:19 цаг

НҮБ-ын Аюулгүйн зөвлөл Украины эргэн тойрон дахь нөхцөл байдлын талаар хэлэлцэж эхэллээ. АНУ, Украин зэрэг хэд хэдэн улс Оросын ажиллагааг буруушаасан тогтоолоо НҮБ-ын Аюулгүйн зөвлөлд өргөн барьсан тухай ТАСС агентлагийн сурвалжлагч мэдээлэв.

Хоёрдугаар сарын 25-ны 14:14 цаг

АНУ, Украин зэрэг хэд хэдэн улс Оросын ажиллагааг буруушаасан тогтоолоо НҮБ-ын Аюулгүйн зөвлөлд өргөн барьсан тухай ТАСС агентлагийн сурвалжлагч мэдээлэв.

Өнөөдөр 14:10 цаг

Олон улсын Moody's агентлаг ОХУ-ын зэрэглэлийг "Baa3", Украины зэрэглэлийг "B3" болгон бууруулах талаар хэлэлцэж байна.

Өнөөдөр 14:06 цаг

Украинд томоохон хэмжээний тусламж үзүүлэх талаар дэлхийн удирдагчидтай тохиролцсон гэж Украины Ерөнхийлөгч Зеленский хэлэв.

Хоёрдугаар сарын 25-ны 14:01 цаг

Украинд цэргийн тусгай ажиллагаа явуулж байгаатай холбогдуулан Болгар улс өнгөрсөн бямба гарагаас эхлэн Оросын нисэх онгоцнуудад агаарын орон зайгаа хааж байгаа юм. Энэ тухай баасан гарагт тус улсын Тээврийн яамнаас мэдээллээ.

Хоёрдугаар сарын 25-ны 13:54 цаг

Украин Оросын холбооны улстай төвийг сахих статусын талаар “Аюулгүй байдлын тодорхой багц баталгаатай” хэлэлцэж болно гэж Украины Ерөнхийлөгчийн албанаас мэдэгдлээ.

Хоёрдугаар сарын 25-ны 13:53 цаг

Канад улс SWIFT системийн талаар ОХУ-ыг хаахыг дэмжиж байна гэж Трюдо мэдэгдлээ.

Хоёрдугаар сарын 25-ны 13:49 цаг

Хэрэв Оросын холбооны улс хэлэлцээрт эргэн ороход бэлэн бол АНУ Оросын төлөөлөгчидтэй уулзахад бэлэн байна гэж Нуланд мэдэгдэв.

Хоёрдугаар сарын 25-ны 13:47 цаг

Украины Ерөнхийлөгч Владимир Зеленский Израилийн Ерөнхий сайд Нафтали Беннеттээс ОХУ-ын Ерөнхийлөгч Владимир Путинтэй хэлэлцээ хийхэд зуучлахыг хүссэн байна. Энэ тухай баасан гаригт Financial Times сонин эх сурвалжаас иш татан мэдээлэв.

Хоёрдугаар сарын 25-ны 13:44 цаг

АНУ ОХУ-ын Ерөнхийлөгч Владимир Путин, ОХУ-ын Гадаад хэргийн сайд Сергей Лавров нарын эсрэг хориг арга хэмжээ авна. Вашингтон уг шийдвэрийн дэлгэрэнгүйг зарлах болно. Энэ тухай Цагаан ордны хэвлэлийн нарийн бичгийн дарга Жен Псаки мэдэгдэв.

Хоёрдугаар сарын 25-ны 13:33 цаг

Канад улс Путин, Лавров нарын эсрэг хориг арга хэмжээ авна.

Хоёрдугаар сарын 25-ны 13:26 цаг

Украины Ерөнхийлөгч Владимир Зеленский Оросын удирдагч Владимир Путины саналыг зөвшөөрч, энх тайван, гал зогсоох тухай ярихад бэлэн байна. Украины Ерөнхийлөгчийн хэвлэлийн нарийн бичгийн дарга Сергей Никифоровын хэлснээр "хэлэлцээрийн цаг, газрын талаар зөвшилцөл энэ цагт үргэлжилж байна" гэжээ.

Хоёрдугаар сарын 25-ны 12:23 цаг

Словени улс НАТО-гийн хүчинд тус улсын агаарын орон зайг ашиглахад хялбар болгосон.

Хоёрдугаар сарын 25-ны 12:21 цаг

Донецкын нутаг дэвсгэрийг Северский Донец-Донбассын сувгийн шахуургын станц ажиллахаа больсон тул хуваарийн дагуу усан хангамж, усан хангамжийн нөөц эх үүсвэрт шилжүүлнэ. Энэ тухай Алексей Кострубицкий мэдэгдэлдээ дурджээ.

Хоёрдугаар сарын 25-ны 12:20 цаг

АНУ ОХУ-ын Ерөнхийлөгч Владимир Путинд хориг арга хэмжээ авахаар хэлэлцэж байна. Энэ тухай Төрийн департаментын хэвлэлийн төлөөлөгч Нед Прайс баасан гарагт болсон ээлжит хэвлэлийн бага хурал дээр мэдэгдэв.

Хоёрдугаар сарын 25-ны 12:19 цаг

Монтенегро улс Украиныг дэмжиж Европын холбоо болон НАТО-той эв санааны нэгдэлтэй байгаагаа илэрхийлэв.

Хоёрдугаар сарын 25-ны, 12:05 цаг

Донецкт шахах станц доголдсон тул хуваарийн дагуу усан хангамж, усан хангамжийн нөөц эх үүсвэрт шилжиж байна.

Хоёрдугаар сарын 25-ны 12:05 цаг

Украины тал ОХУ-тай хэлэлцээр хийхээс татгалзсан тул Киев энэ асуудлыг маргааш болтол хойшлуулахыг санал болгов гэж Мария Захарова мэдэгдлээ.

Хоёрдугаар сарын 25-ны 12:04 цаг

Орос улс мэдээлэл дамжуулах, SWIFT төлбөр хийх банк хоорондын системээс салгах магадлалтай байгаа нь Европын орнуудад хийн нийлүүлэлтийн төлбөрийг төлөхөд асуудал үүсгэж болзошгүй юм. Ийм анхааруулгыг Италийн Эдийн засаг, сангийн сайд Даниэле Франко хийсэн байна.

Хоёрдугаар сарын 25-ны 12:03 цаг

Чех улсын Сбербанк аюулгүй байдлын үүднээс салбаруудынхаа ажлыг түр зогсоох шийдвэр гаргажээ.

Хоёрдугаар сарын 25-ны 12:02 цаг

Украины асуудлаарх яриа хэлэлцээ хийх одоогийн саналууд нь жинхэнэ дипломат ажиллагаа биш гэж Төрийн департамент мэдэгдэв.

Хоёрдугаар сарын 25-ны 12:02 цаг

Хятад улс Украин зэрэг бүх орны бүрэн эрхт байдлыг хүндэтгэнэ.

Хоёрдугаар сарын 25-ны 12:00 цаг

АНУ хоёрдугаар сарын 25-наас эхлэн Владимир Путины эсрэг хориг арга хэмжээ авч магадгүй гэж CNN мэдээллээ.

Хоёрдугаар сарын 25-ны 12:00 цаг

Circle of Kindness сан болон Донецк болон Луганскийн эрүүл мэндийн байгууллагууд, хүнд өвчтэй хүүхдүүдэд туслахад янз бүрийн чиглэлээр хамтран ажиллаж, мэдээлэл солилцохоор тохиролцов.

Хоёрдугаар сарын 25-ны 11:59 цаг

Украинд шинэ Засгийн газар гарч ирэх магадлалыг Европын холбоонд суугаа ОХУ-ын байнгын төлөөлөгч Владимир Чижов хүлээн зөвшөөрлөө. “Бүгд найрамдах Донецк, Луганск ард жлстай энхийн хэлэлцээ хийх болно” гэв. Үүний зэрэгцээ тэрбээр Донбассын бүгд найрамдах улсууд Киевийн одоогийн дэглэмтэй хэрхэн эвлэрэх талаар ямар ч ойлголтгүй байгаагаа тэмдэглэв.

Хоёрдугаар сарын 25-ны 11:58 цаг

ЕАБХАБ-ын Ардчилсан институц, Хүний эрхийн алба Украины нөхцөл байдалд санаа зовниж буйгаа илэрхийлж, мөргөлдөөнд оролцогч талуудыг дайны хууль, хүний эрхийн үүргийг хүндэтгэхийг уриалав.

Хоёрдугаар сарын 25-ны 11:57 цаг

Болгарын Ерөнхийлөгч Украинд явуулж буй цэргийн ажиллагааны үр дүнд Орос ялах хамгийн өндөр магадлалтай гэж мэдэгдэв. Тэрбээр "Европын аюулгүй байдлын бүтэц нуран унасан" гэжээ.

Хоёрдугаар сарын 25-ны 11:56 цаг

Франц Румынд 500, Эстонид 200 цэрэг оруулахаар төлөвлөж байна.

Хоёрдугаар сарын 25-ны 11:56 цаг

Энтони Блинкен Димитрий Кулебатай ярилцахдаа АНУ, Оросоос өөрийгөө хамгаалахын тулд Украинд тусламж үзүүлсээр байх болно гэжээ.

Хоёрдугаар сарын 25-ны 11:55 цаг

Канадын Онтарио мужийн эрх баригчид Украины нөхцөл байдлын улмаас тус бүс нутгийн архины дэлгүүрүүдээс Орост үйлдвэрлэсэн архийг эргүүлэн татахаар хэлэлцэж байна.

Хоёрдугаар сарын 25-ны 11:54 цаг

Минскт болох Орос, Украины яриа хэлэлцээг НҮБ сайшаана.

Хоёрдугаар сарын 25-ны 11:53 цаг

Молдавын Ерөнхийлөгч Майя Санду улс орныг байлдааны ажиллагаанд татан оруулах урьдчилсан нөхцөл байхгүй гэж үзэж байна.

---

	Үйл явдлын тойм: Жо Байден Украинд яаралтай цэргийн тусламж үзүүлэх тухай санамж бичиг гаргажээ
Үзсэн: 23578	Mongolian National Broadcaster