Шууд Chart

Улсын заан Б.Пүрэвсайхан түрүүллээ

2022-06-08 09:22:56

 

"Дашваанжил Газ" ХХК-ийн 30 жилийн ойн нэрэмжит "Чингэлтэй хайрханы хишиг" улс, аймаг, цэргийн алдар цолтой чансаа өндөр 128 бөхийн барилдаан болж, Ховд аймгийн Чандмань сумын харъяат, улсын заан Б.Пүрэвсайхан түрүүлж, Говь-Алтай аймгийн Жаргалан сумын уугуул, Ховд аймгийн Буянт сумын харъяат, улсын харцага О.Хангай үзүүрлэв.

Их шөвөгт Завхан аймгийн Их-Уул сумын харъяат, улсын гарьд Б.Гончигдамба, Архангай аймгийн Цэнхэр сумын харъяат, улсын гарьд М.Бадарч нар шалгарлаа. Дунд шөвгийн наймд улсын начин Л.Лха-Очир, Э.Даш, Д.Амарсайхан, Б.Чимэдвандан нар үлдэв.

Сонирхуулахад, энэ сарын 11-нд бөх судлаач, бөхийн зүтгэлтэн, улсын хүндэт гарын даа Шагдарын Батжаргалын “Манлайн баясгалан” номын нээлтэд зориулсан аймаг, цэргийн цолтой болон залуу 256 бөхийн хаалтын барилдаан, 12-нд Булган аймгаас төрөн гарсан дөрвөн аваргын нэрэмжит улс, аймгийн алдар цолтой 256 бөхийн барилдаан болно.

Нийтэлсэн: У.Баярсайхан

Улсын заан Б.Пүрэвсайхан түрүүллээ  
Үзсэн: 165 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй