Үндэсний телевиз
Цагийн хүрд
Найм арваннэг
Гадаад харилцааны сайд Б.Батцэцэг Австралийн Холбооны Улсад хийж буй албан ёсны айлчлалынхаа хүрээнд Сенатын Ерөнхийлөгч Сью Лайнс, Австралийн Парламентын Төлөөлөгчдийн танхимын дарга Милтон Дик нартай өнөөдөр уулзаж, Сенатын болон Төлөөлөгчдийн танхимын үйл ажиллагаатай нь танилцав.
Монгол, Австралийн Өргөтгөсөн түншлэлийн харилцаа ардчилал, хүний эрх, эрх чөлөө зэрэг нийтлэг үнэт зүйлсэд тулгуурлан идэвхтэй өргөжин хөгжиж байгаад сэтгэл хангалуун байгааг талууд илэрхийлж, хоёр улсын хууль тогтоох байгууллага хоорондын хэлхээ холбоог бэхжүүлэх, парламент дахь найрамдлын бүлэг хоорондын хамтын ажиллагааг өргөжүүлэх талаар дэлгэрэнгүй санал солилцов.
Уулзалтын үеэр сайд Б.Батцэцэг Монгол Улсын Их Хурлын дарга Г.Занданшатарын халуун дотно мэндчилгээг уламжилж, Монгол Улсад айлчлахыг урьсан урилгыг Сенатын Ерөнхийлөгч Сью Лайнс болон Парламентын Төлөөлөгчдийн танхимын дарга Милтон Дик нарт тус тус гардуулав.
| Сайд Б.Батцэцэг Австралийн парламентын Сенатын болон Төлөөлөгчдийн танхимын дарга нартай уулзав | ||
| Үзсэн: 421 | Mongolian National Broadcaster |
Р.Слава
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.