Шууд Chart

Энэ арав хоногт цаг агаар ямар байх вэ?

2023-12-04 13:20:02

2023 оны 12 дугаар сарын 04-нөөс 2023 оны 12 дугаар сарын 13-ныг хүртэлх

цаг агаарын урьдчилсан төлөв:

Малчид, тээвэрчид, иргэдийн анхааралд:

Ирэх хоногуудад ихэнх нутгаар цаг агаар тогтворгүй салхи шуургатай, 8-наас хүйтний эрч эрс чангарахыг онцгойлон анхааруулж байна.  

Хур тунадас: 04-нд баруун аймгуудын ихэнх нутаг, төвийн аймгуудын нутгийн баруун хэсгээр, 05-нд баруун аймгуудын нутгийн зүүн хэсэг, төв, говь, зүүн аймгуудын нутгийн зарим газраар, 06-нд Хангай, Хөвсгөлийн уулархаг нутаг, Халх голын сав газраар, 07-нд баруун аймгуудын нутгийн зарим газар, төв болон зүүн аймгуудын нутгийн хойд хэсгээр, 8-нд баруун аймгуудын нутгийн зүүн, говийн аймгуудын нутгийн хойд хэсэг, төв болон зүүн аймгуудын нутгийн зарим газраар, 09-нд Алтай, Хангай, Хөвсгөлийн уулархаг нутаг, Халх голын сав газраар, 10-нд баруун болон төвийн аймгуудын нутгийн зарим газар, говийн аймгуудын ихэнх нутгаар, 11-нд төв, говь, зүүн аймгуудын нутгийн зарим газраар, 12-нд баруун болон төвийн аймгуудын нутгийн зарим газраар, 13-нд нутгийн өмнөд хэсгээр цас орж, цасан шуурга шуурна.

Салхи:  Ихэнх нутгаар секундэд 6-11 метр, 04-нд баруун аймгуудын нутгаар, 5-нд ихэнх нутгаар, 6-нд Алтайн салбар уулс болон говь, тал, хээрийн нутгаар, 7-нд нутгийн баруун хагаст, 08-нд ихэнх нутгаар 18-20 метр, зарим үед секундэд 24 метр хүрч ширүүснэ. Бусад хугацаанд говь, тал, хээрийн нутгаар секундэд 6-11 метр.

Агаарын температур 5-нд ихэнх нутгаар, 6-нд нутгийн зүүн хагаст хүйтний эрч чангарч Дархадын хотгор, Хөвсгөл, Хэнтийн уулархаг нутаг, Хараа, Ерөө, Туул, Хэрлэн голын хөндийгөөр шөнөдөө 31-36 хэм, өдөртөө 21-26 хэм, Хангайн уулархаг нутаг, Завхан голын эх, Хүрэнбэлчир орчим, Идэр, Тэс, Эг, Үүр, Орхон, Сэлэнгэ, Тэрэлж, Онон, Улз голын хөндийгөөр шөнөдөө 25-30 хэм, өдөртөө 13-18 хэм, говийн бүс нутгийн өмнөд хэсгээр шөнөдөө 10-15 хэм, өдөртөө 3-8 хэм, бусад нутгаар шөнөдөө 19-24 хэм, өдөртөө 10-15 хэм хүйтэн байна. 7-нд ихэнх нутгаар хүйтний эрч сулрах боловч, 8-наас хүйтний эрч эрс чангарна.

Улаанбаатар хот орчмын 10 хоногийн цаг агаарын урьдчилсан төлөв

Хур тунадас: 4-5-нд шилжих шөнө, 7-8-нд шилжих шөнө, 08, 11-нд цас орж, цасан шуурга шуурна.

Салхи: Ихэнх хугацаанд 5-10 метр, 5,7-нд баруун өмнөөс хойш эргэж секундэд 12-14 метр хүрч ширүүснэ.  

Агаарын температур:  5,6-нд хүйтэрч Яармаг-Сонгины орчмоор 23-28 хэм, бусад хэсгээр 18-23 хэм, өдөртөө 8-13 хэм хүйтэн байна.   7-нд ихэнх нутгаар хүйтний эрч сулрах боловч, 8-наас хүйтний эрч эрс чангарна.


Энэ арав хоногт цаг агаар ямар байх вэ?  
Үзсэн: 2109 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй