Өнөөдөр баруун болон зүүн аймгуудын нутгийн зарим газар, төвийн аймгуудын нутгийн өмнөд хэсгээр бороо, уулаараа нойтон цас орно.

Салхи говь, тал, хээрийн нутгаар 15-17 м/с, түр зуур секундэд 24 метр хүрч ширүүсэж, шороон шуурга шуурна. 

Харин маргааш буюу тавдугаар сарын 18-нд баруун болон төвийн аймгуудын өмнөд, говийн аймгуудын хойд хэсгээр, тавдугаар сарын 19-нд нутгийн зүүн өмнөд хэсгээр, тавдугаар сарын 21-нд баруун аймгуудын нутгийн зарим газар, төвийн аймгуудын нутгийн баруун хэсгээр бороо, уулаараа нойтон цас орох юм байна.

Салхи ихэнх хугацаанд 6-11 м/с байх боловч зарим газраар 15-17 м/с хүрч ширүүсэж, шороон шуурга шуурна.

Ням гарагаас ихэнх нутгаар дулаарна гэж ОБЕГ-ын Урьдчилан сэргийлэх газраас мэдээллээ.