Авто замд өргөтгөл, шинэчлэлтийн ажил хийгдэхтэй холбоотойгоор нийтийн тээврийн зарим чиглэлд богино эргүүлэх зохицуулалт хийнэ.

Чингэлтэй дүүргийн 7 дугаар хороо, Хувьсгалчдын гудамжны авто замыг 2024 оны есдүгээр сарын 13-ны өдрийн 22:00 цагаас есдүгээр сарын 16-ны өдрийн 06:00 цагийн хооронд хэсэгчилсэн өргөтгөл, шинэчлэлтийн ажил хийгдэхтэй холбоотойгоор хааж байгаа тул нийтийн тээврийн 8 чиглэлд түр өөрчлөлт оруулахаар төлөвлөөд байна.

Тодруулбал, тухайн авто замаар зорчдог нийтийн тээврийн чиглэлүүд болон том оврын автобуснууд хороолол дундуурх нарийн замаар явах боломжгүй тул Баянхошууны зам, Энхтайвангийн өргөн чөлөөгөөр тойрох, Эх нялхсын гудамжаар богино эргэх зэрэг зохицуулалт хийгдэнэ.

Ч:20А-Z “Баянхошуу-3,4 хороолол-Өнөр хороолол-/араар/ Геологийн төв лаборатори-МҮИС”

Ч:20Б-Z “Баянхошуу-Геологийн төв лаборатори-3,4 хороолол- МҮИС”

Ч:41Z “Баруун салаа-Жанцан дэлгүүр”

Ч:41-Z “Халдварт-МҮИС”

Ч:43Z “Баянхошуу-Ард кинотеатр-Бөмбөгөр худалдааны төв”

Ч:54Z “Яармаг-10 хороолол-3,4 хороолол-МҮИС”

Ч:48Z "Зүүн салаа-Чингэлтэй дүүрэг-МУБИС"

Ч:48А-Z Зүүн салаа-Шинэ зам-Чингэлтэй дүүрэг-МУБИС

Мөн “UB smart bus” апликейшн дээр Z, -Z тэмдэглэгээтэйг сонгож чиглэлээ харах боломжтой. 

Эх сурвалж: Нийтийн тээврийн бодлогын газар