11 настай хүүхдүүдэд хүний папиллома вирусийн эсрэг вакцин хийж эхлэх гэж байна. ЭМЯ-ны Төрийн нарийн бичгийн дарга Д.Очирбатаас тодрууллаа. 

Тэрбээр “Хүний папиллома вирусийн эсрэг вакцин НҮБ-ын дэлхийн 150 улсад хийгддэг. Өнөөдрийн байдлаар 79 улс папиллома вакциныг ард иргэддээ хийж байна вакцинжуулж байна. Энэхүү өвчнөөс урьчдилан сэргилйж байна.

Монгол Улсын Засгийн газрын тогтоолоор Үндэсний дархлаажуулалтын товлолд Улсын хэмжээнд 2023 оны 12 р сарын 27-ны хамруулсан. Хүний папиллома вирусээс хамгаалах зорилгоор 11 настай хүүхдүүдийг 1 удаа дархлаажуулалтад хамруулна гэж заасан. Үүний үндсэнд 11 настай эрэгтэй эмэгтэй хүүхдүүдэд дархлаажуулахаар бэлтгэл ажил хангагдаад байна.

Дэлхийн 200 гаруй улс оронд эр, эм хүүхдүүдэд папиллома вирус үтрээ, бэлгийн уруул, ам, хоолой, умайн хүзүүний хорт хавдар үүсгэдэг нь тогтоогдоод байна. Энэ өвчлөлөөс сэргийлэхийн тулд папиллома вирусийн эсрэг вакцинийг хийлгэснээр 15 жилд 93 хувийн дархлаажуулалтыг тогтоож чаддаг. Охидоос гадна хөвгүүдэд хийснээр олон хавдраас сэргийлэх боломжтой.

Хүний папиллома вирусийн вакциныг Монгол Улс АНУ-аас худалдан аваад байна. Өмнө нь иргэд хүүхдээ хамгаалахын тулд 99-120 ам.долларын төлбөртэйгөөр гаднын улсад хийлгэдэг байсан. Одоо харин товлолт вакцин болсон учир 11 настай хүүхдэд үнэ төлбөргүй хийхээр болж байна.

Энэхүү вакцин нь жирэмслэлтэд нөлөөлөх, төрөлтөд саад учруулдаг, хавдар үүсгэдэг гэх мэтийн ташаа мэдээлэл ор үндэслэлгүй. Дэлхийн эрүүл мэндийн байгууллагаас 160 гаруй улс оронд хийсэн судалгаагаар гаж нөлөө илрээгүй гэдгийг албан ёсоор хэлж байна" гэв.