Өнөөдөр буюу гуравдугаар сарын 15 нь Григорийн тооллын жилийн 74 дэх өдөр, билгийн тооллын хаврын тэргүүн цагаан бар сарын 27-ны өдөр тохиож байна. Наран 07:06 цагт мандаж, 18:57 цагт жаргана.

Энэ өдөр дэлхийн түүхэнд дараах онцлох үйл явдлууд өрнөжээ.

Эрт үе

• МЭӨ 474 – Ром хотод дайн дуусч энхтайван тогтсоны 40 жилийн ойг тэмдэглэв.

• МЭӨ 44 – Ромын бүгд найрамдах улсын захирагч Юлий Цезарын амь насыг Маркус Жуниус Брутус, Гайус Кассиус Лонгинус, Десимус Жуниус Брутус нарын зэрэг Ромын сенаторууд хуйвалдан хороожээ.

• 280 – Хятадын Жин гүрнийг Хуй гүрний захирагч Сима Ян үндэслэн байгуулав.

• 856 – Византийн эзэнт гүрний захирагч III Микаел ээжийнхээ засаглалыг түлхэн унагаж өөрөө хаан ширээнд суужээ.

• 933 – Арван жилийн турш хэрэгжсэн энхийг гэрээг зөрчиж Германы хаан Хенри Унгар луу цэрэг оруулав.

• 1147 – Португалийн хаан I Афонсо Сантарем хотыг эзлэв.

• 1493 – Алдарт аялагч Христофер Колумб Америкаар хийсэн анхны аяллаа дуусган Испанидаа иржээ.

• 1564 – Моголын эзэнт гүрний хаан Акбар иргэн бүрт татвар ногдуулав.

• 1642 – Төвөдийн төр, шашны тэргүүдийг залах ёслол болов. Гүш хан Төвөдийн хаан ширээнд заларсан бол V Далай лам Лувсанжамцыг шашны тэргүүнд залжээ.

Дундад зуун ба шинэ үе

• 1781 – Америкийн хувьсгал: Одоогийн Хойд Каролина мужийн Грийнсборо хотод Чарльз Корнуоллоор удирдуулсан Британийн арми Америкийн босогчдын хүчинд ялагджээ. Америкийн босогчид 4,400, Британийн цэрэг 1,900 байжээ.

• 1783 – АНУ-ын Нью-Йорк мужийн Ньюбург хотод генерал Жорж Вашингтон засгийн эрхийг авахын тулд хүн бүр хичээн зүтгэх ёстой гэж мэдэгдэв.

• 1819 – Францын физикч Августин-Жеан Фреснел гэрлийн урсгалыг усны давалгаа мэт гэж баталсан онолыг Францын шинжлэх ухааны академид танилцуулжээ.

• 1820 – Мэйн АНУ-ын 23 дахь муж улс болжээ.

• 1848 – Унгарт үүссэн хувьсгалыг намжаах зорилгоор Хабсбургын угсааныхан Өөрчлөлтийн намынхантай зөвшилцөв.

• 1864 – Америкийн иргэний дайн: Луизиана мужийн Александриа хотод АНУ-ын тэнгисийн цэрэг хүчээ сэлбэв.

• 1874 – Франц болон Вьетнам улс Сайгоны хоёрдугаар гэрээнд гарын үсэг зурж Вьетнамыг Францаас бүрэн тусгаарлав.

• 1877 – Крикетийн спортын анхны туршилтын тэмцээн Австралийн Мельбурн хотын "МСЖ" цэнгэлдэх хүрээлэнд болов.

• 1888 – Англи Төвөдийн дайн эхэлжээ.

• 1892 – Английн алдарт хөлбөмбөгийн клуб Ливерпүүл байгуулагдав.

• 1906 – Автомашины Роллс-Ройс компани байгуулагджээ.

• 1916 – АНУ-ын ерөнхийлөгч Вүүдроу Вильсон хил дээр Мексикийн босогчид төвлөрсөн тул 4,800 цэрэг илгээв.

• 1917 – Оросын хаан II Николай хэргэмээ хураалган, Романовын 304 жилийн хаанчлал дуусав.

• 1922 – Египет улс Их Британиас тусгаар тогтож, хаан ширээнд I Фүадыг залав.

• 1926 – Грекийн Ерөнхийлөгчөөр дарангуйлагч Теодорос Пангалос сонгогдов.

• 1927 – Эмэгтэйчүүдийн анхны завины уралдаан Оксфордын болон Кембрижийн их сургуулийн багуудтай зохион байгуулагдав.

• 1941 – Филиппиний нисэх хүчин анх удаа Манилагаас Багуйо хүртэл нислэг үйлдэж, төрийн далбааг мандуулжээ.

• 1961 – Үндэстнүүдийн холбооны ерөнхий сайд нар Өмнөд Африкийн тусгаар тогтнолын асуудлыг хэлэлцэв.

• 1985 – Интернетийн анхны домайн нэрийг (symbolics.com) авчээ.

• 1985 – Дэлхийн хэрэглэгчдийн эрх ашгийг хамгаалах өдрийг тэмдэглэх шийдвэрийг Олон улсын хэрэглэгчийн байгууллагаас гаргав.

• 1986 – Сингапурт “New World” зочид буудал нурж, 33 хүн амиа алджээ.

• 1991 – Нэгдсэн Германы удирдлагууд Холбооны бүгд найрамдах Герман улсыг байгуулах гэрээнд гарын үсэг зурж баталгаажуулжээ.

• 2011 – Сири улсад иргэний дайн дэгдэв.

• 2019 – Шинэ Зеландын Крайстчөрч хотод Исламын сүмд халдаж, 50 хүн амиа алджээ. Үүний дараа Засгийн газар галт зэвсгийн хуулийг чангатгав.

• 2019 – Хонконгийн эсэргүүцлийн жагсаал эхлэв.

• 2019 – Дэлхий даяар 125 орны ойролцоогоор 1.4 сая залуус уур амьсгалын өөрчлөлтийн эсрэг жагсаал өрнүүлэв.