Үндэсний телевиз
Цагийн хүрд
Найм арваннэг
Байгаль орчин, уур амьсгалын өөрчлөлтийн яам, “Монголын Бизнесийн Зөвлөл” ГҮТББ болон “Монголын Байгалийн Өв Сан” ТББ хамтран “Үндэсний ногоон лаб” хөтөлбөрийг хэрэгжүүлэх хамтын ажиллагааны санамж бичиг байгуулав.
Энэхүү санамж бичгийн хүрээнд иргэн, төрийн бус болон иргэний нийгмийн байгууллагуудаас гадна хувийн хэвшлүүдийг тусгайлан үзэж, байгаль хамгаалал, ногоон шилжилтийг дэмжихэд чиглэсэн төсөл хөтөлбөрүүдэд санхүүжилт татах ажлуудыг Талууд өөрсдийн чиг үүргийн дагуу хамтран хэрэгжүүлэхийг үндсэн чиглэл болгохоор харилцан тохиролцлоо.
Цөлжилттэй тэмцэх тухай НҮБ-ын конвенцын Талуудын 17 дугаар бага хурал болон даргалагч 2 жилийн хугацаанд Монгол Улсад үлдэх өв, амжилтад хувь нэмэр оруулахад тус Лаб-ын зорилго нийцэж байгааг Байгаль орчин, уур амьсгалын өөрчлөлтийн сайд онцлоод төр, засгийн байгууллагаас бусад хөгжлийн түншлэгч нарын оролцоотой байгаль орчны санхүүжилтийг нэмэгдүүлэх ажлыг эрчимжүүлэхэд анхаарч ажиллахыг хүсэв гэж Байгаль орчин, уур амьсгалын өөрчлөлтийн яамнаас мэдээллээ.
| Байгаль хамгааллын салбарт хувийн хэвшил, иргэний нийгмийн оролцоог нэмэгдүүлнэ | ||
| Үзсэн: 149 | Mongolian National Broadcaster |
У.Баярсайхан
О.Энхмаа
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.