АНУ-ын дараа ОХУ Сири дэх "Исламын улс" бүлэглэлийн эсрэг агаарын цэргийн ажиллагааг Сирийн төр засгийн хүсэлтээр эхлүүлсэн. ОХУ-ын тэргүүлсэн энэ ажиллагааг бүс нутгийн улс орнууд ялангуяа Сири, Иран, Ирак зэрэг орнууд дэмжин оролцож, цэргийн ажиллагаагаа уялдуулж байна. Исламын шашинтай орнууд Оросын эсрэг гэж үзэхээр цэргийн эвсэл байгуулсан энэхүү эгзэгтэй үед АНУ-ын төрийн нарийн бичгийн дарга Москва хотод  айлчилж, ОХУ-ын ерөнхийлөгч Владимир Путинтэй уулзалт хийлээ.

Керригийн айлчлалын өмнөхөн ОХУ-ын гадаад хэргийн сайд Сергей Лавров Вашингтон Сирийн хямралыг зогсооход хамтын хүч чармайлт гаргахаас цааргалж байна гэж буруутгасан байр суурь хэлсэн.  Гэхдээ Оросын хувьд Керригээс  Сирид баримтлаж байгаа бодлогынх нь талаар нааштай үг сонсож, Орос, Америк хоёр Сирид хамтын хүчээр терроризмтой тэмцэх шийдэлд хүрэх болов уу гэсэн хүлээлттэй байна.

Одоогоор Кремль Исламын шашинт орнуудын террориризмын эсрэг цэргийн эвсэл байгуулагдсан талаар албан ёсны байр сууриа хэлэээгүй байна. Саудын Араын мэдэгдлийн өмнөхөн АНУ-ын ерөнхийлөгч Барак Обама "Исламын улс" алан хядагч бүлэглэлийн эсрэг цэргийн ажиллагаагаа өргөжүүлэхийг олон улсын хамтын нийгэмлэгт уриалсан юм.