Өчигдөр дэлхийн зах зээл дээр газрын тос нэг баррель нь 35 америк доллараар арилжаалагдаж, сүүлийн 11 жилд хамгийн доод үзүүлэлтэд хүрлээ. Газрын тосны ханш ийнхүү унаж байгаа нь Саудын Араб, Иран улстай дипломат харилцаагаа тасалж, хямрал даамжирч байгаатай холбоотой аж.

Дэлхийн зах зээл дээр Брент маркийн газрын тос нэг баррель нь өнгөрсөн оны сүүлийн ханшаас 4,2 хувиар буурч, 34,88 америк доллараар арилжаалагдсан нь 2004 оны долоодугаар сараас хойш хамгийн доод үзүүлэлт болж байна. Эдийн засгийн шинжээчид ч Саудын Араб, Ираны харилцаа муудах нь хар алт улам үнэгүйдэх эрсдэлийг нэмэгдүүлнэ гэж тооцоолжээ. Дэлхийн зах зээл дээр газрын тосны нийлүүлэлт нэмэгдсэнээс үүдээд ханш нь сүүлийн нэг гаруйн хугацаанд түүхэн доод түвшинд хүрч байгаа нь энэ юм.

Газрын тосны ханшийг нэмэгдүүлэхэд нийлүүлэлтийг хязгаарлах шаардлагатай байгаа ч Саудын Араб тэргүүлдэг Газрын тос экспортлогч орнуудын байгууллага ОПЕК нийлүүлэлтийг хязгаарлахаас зайлсхийж байгаа. Нийлүүлэлт ихсэхийн зэрэгцээ Хятад, Европын холбооны эдийн засгийн хурдтай өсөлт суларсан нь газрын тосны эрэлтийг бууруулж, хар алтны ханш унахад нөлөөлж байна.