Шууд Chart

"Гүүгл"-ийн сэтгэдэг програм Го даамын мастерыг хожлоо

2016-03-15 12:28:01

"Google"-ийн "Deepmind" буюу сэтгэдэг программ бүтээхээр хичээж буй залуус “AlphaGo” програм боловсруулан туршиж байна. Энэ нь  Го даам тоглохоор бүтээгдсэн систем юм. Ингээд мэргэжлийн тоглогч Өмнөд Солонгосын Ли Се Дол болон дээрх программ хоорондын Го даамын тоглолтыг Солонгос улсад зохион байгуулахад эхний тоглолтод программ илт давуу хожжээ.

Хамгийн сонирхолтой нь тэмцээний бооцоо 1 сая ам.доллар байв. Үргэлжлүүлэн тэдний хооронд дахин дөрвөн удаагийн тоглолт болоход бүгдэд нь программ хожиж шагналын мөнгийг авчээ. 

Го даамын мэргэжлийн тоглогч, дэлхийн 18 удаагийн аварга Ли Се Дол "Програмын тоглолтын арга барил үнэхээр төгс байсан" гэжээ. Энэ удаагийн “AlphaGo” програмын хожил нь хиймэл оюун ухааны хөгжлийн нэг илэрхийлэл боллоо гэж ажиглагчид үзэж байна.

Нийтэлсэн: Б.Батхолбоо

"Гүүгл"-ийн сэтгэдэг програм Го даамын мастерыг хожлоо   
Үзсэн: 5068 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй