Үндэсний телевиз
Цагийн хүрд
Найм арваннэг
Туркийн баруун хэсэгт орших Бурса хотод амиа золиослогч эмэгтэй тэсрэх бөмбөг дэлбэлжээ. Халдлагад хүний амь нас үрэгдээгүй, харин 13 хүн шархадсан болохыг холбогдох албаныхан мэдээлжээ. Бурса хотын бэлэг тэмдэг болсон XIV зууны томоохон сүмийн ойролцоо тус халдлага болсон байна.
Өмнө нь олон улсын хэвлэлүүд халдлагад нэг хүн амь үрэгдсэн гэж мэдээлж байсан ч, Туркийн эрүүл мэндийн сайд дээрх мэдээллийг үгүйсгэж, дэлбэрэлтэд өртсөн 13 хүн хөнгөн шархадсан хэмээн мэдэгдсэнийг "Ройтерс" агентлаг сая уламжиллаа. Сүүлийн саруудад Турк улсад шил дараалсан террорист халдлага гарч байна. Эдгээр халдлагын хариуцлагыг "Исламын улс" алан хядагч бүлэглэл өөртөө хүлээсэн. Мөн зарим халдлагад Туркийн эрх баригчид тус улсаас салан тусгаарлах үзэлтэй Курдын босогчдыг буруутгаж байгаа юм.
Харин энэ удаагийн халдлагын хариуцлагыг өөртөө хүлээсэн бүлэглэл одоогоор алга байна. Халдлагаас нэг хоногийн өмнө буюу өнгөрсөн мягмар гарагт Туркийн жуулчид их цуглардаг бүсүүдэд террорист халдлага гарах магадлалтай байгааг АНУ-ын зүгээс анхааруулсан гэдгийг шинжээчид онцолж байна.
| Амиа золиослогч Турк улсад дахин халдлага үйлдлээ | ||
| Үзсэн: 2491 | Mongolian National Broadcaster |
У.Баярсайхан
Л.Мөнхтөр
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.