Монголын зохиолчдын эвлэлээс жил бүр уламжлал болгон зохион байгуулдаг “Алтан өд-2017” наадам өнөөдөр Хүүхдийн урлан бүтээх төвийн их танхимд болж, шилдгүүдээ тодрууллаа.

2001 оноос эхтэй уг наадамд яруу найраг, хүүрнэл зохиолын томоохон болон богино хэмжээний бүтээл, хүүхдийн зохиол, орчуулга, шүүмж судлал, жүжиг, кино зохиол, шог хошин болон баримтат зохиол гэсэн төрөлд шалгаруулсан юм.   

Энэ үеэр зарим хүнд МЗЭ-ийн шагнал олгох бөгөөд МЗЭ-д гишүүн ч элсүүлэв.

Ийнхүү “Алтан өд-2017” наадамд шалгарсан зохиолч, яруу найрагчдыг бүтээлийнх нь хамт танилцуулья.

Яруу найргийн төрөлд -М.Амархүү- “Ес дэх зүүдний аниргүй эрвээхэй”

Хүүрнэл зохиолын томоохон хэмжээний төрөлд - Б.Номинчимэд-“Аугаа эрин”

Хүүрнэл зохиолын богино хэмжээний төрөлд - Ц.Ганболд- “Цэцүүхэй”

Хүүхдийн зохиолын төрөлд - Ц.Энхтүвшин- “Аз жаргалтай үлгэрүүд”

Утга зохиолын орчуулгын төрөлд - Б.Сувддулам “Пигийн амьдрал”.

Жүжиг, киноны зохиолын төрөлд - Д.Жамъян- “Кино зохиолууд”

Утга зохиолын судлал, шүүмжийн төрөлд – “О.Содномпил тэргүүтэй Уран зохиолын судлал шинжлэлийн редакци”

Шог хошин болон баримтат уран зохиолын төрөлд - З.Ядмаа “Цаг цагийн цагаан дурсамж” зэрэг бүтээл шалгарав.