БНСУ-ын Пёнчан хотод болж буй өвлийн XII паралимпийн наадам ирэх ням гарагт өндөрлөнө. Анх удаа өвлийн паралимпийн наадамд оролцсон Хойд Солонгосын төлөөлөгчид өнөөдөр нуцаг буцахаар болжээ.

Хойд Солонгосын пара цанын хоёр тамирчин ирсэн бөгөөд тэдэнтэй хамт дөрвөн ажиглагч тамирчин болон албаны нийлсэн нийт 24 хүн Пёнчанд байрласан юм. Баг тамирчдын тэмцээн өчигдөр өндөрлөсөн бөгөөд хаалтын ажиллагаанд оролцохгүйгээр ийнхүү нутаг буцахаар болжээ.

Хойд Солонгосоос анх удаа өвлийн паралимпийн наадамд Ма Ю Чол (28 настай), Ким Жон Хён (18) нар цанын LW12  ангилалд өрсөлдлөө. Өчигдөр болсон 1.1 км-ын спринт уралдаанд 36 тамирчин өрсөлдсөнөөс Ма Ю Чол 3:59.48 минутын амжилтаар 31, Ким Жон Хён 4:23.87 минутаар 32 дугаар байрт оржээ. Тэд тэргүүлэгч тамирчнаас 58 секунд болон 1 минут 23 секундын алдагдалтай бариалав.

Анх удаа өвлийн паралимпийн наадамд өрсөлдсөн Хойд Солонгосын тамирчид энэхүү наадмаас нэлээн туршлага хуримтлууллаа.

Нэмж хэлэхэд Хойд Солонгосын багийн бүрэлдэхүүн хэвлэлийнхэнд урьдын адил хаалттай хэвээр байв.