Үндэсний телевиз
Цагийн хүрд
Найм арваннэг
Ази-Номхон далайн бүсийн орнуудын батлан хамгаалах зардал энэ онд 515 тэрбум ам.долларт хүрнэ. Энэ нь Хойд Америкийн батлан хамгаалах зардлаас бага ч Европоос илүү гэсэн үг юм.
“Эксперия Ивэнтс” компанийн удирдлагын захирал Лэк Чэт Лам Сингапурт маргааш нээлтээ хийх Цэрэг-тэнгисийн техник, зэвсэглэлийн “Ай-Эм-Ди-И-Экс Асиа 2019” тусгай үзэсгэлэн, олон улсын бага хурлыг тохиолдуулан хийсэн хэвлэлийн хурлаар энэ тухай мэдэгдлээ.
Түүний хэлснээр Ази-Номхон далайн бүсийн орнуудын батлан хамгаалах зардал 10 жилийн дараа дэлхийд тэргүүлэх гэнэ. Ирэх жил бүсийн орнуудын цэрэг-тэнгисийн хүчний хэрэгцээ 60 хувиар өсөж, 107 тэрбум ам.доллараар нэмэгдэх юм байна. Батлан хамгаалах зардал өсөх нь шинэ технологи боловсруулж, нэвтрүүлэхтэй холбоотой гэж “Ай-Эм-Ди-И-Экс Асиа 2019”-г зохион байгуулагчид онцолж байна.
“Ай-Эм-Ди-И-Экс Асиа” нь Сингапур улсад хоёр жил тутамд нэг удаа зохион байгуулагддаг. Энэ удаагийн үзэсгэлэнд 30 улсын 230 гаруй компани оролцохоор болжээ.
| Ази-Номхон далайн бүсийн орнуудын батлан хамгаалах зардал 515 тэрбум ам.долларт хүрнэ | ||
| Үзсэн: 683 | Mongolian National Broadcaster |
М.Золзаяа
О.Шинэтуяа
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.