АНУ-ын Аризона мужид өнгөрсөн сарын 27-ноос энэ сарын 7-ны хооронд он дамжин зохион байгуулагдсан “Across the Years” арван өдөр, шөнийн гүйлтэд хэт холын зайн гүйлтийн олон улсын тэмцээний найман удаагийн аварга Бямбаагийн Буджаргал оролцож байгаа талаар бид өмнө нь мэдээлсэн.

Тэрбээр 10 өдөр, 10 шөнийн хугацаанд 1111 км замыг туулж тус тэмцээнд түрүүлсэн байна. Ийн тэрбээр олон өдрийн хэт холын зайн гүйлтийн тэмцээнд ес дэх удаагаа аваргаллаа.