Шууд Chart

“Бахархалт аав”, “Бахархалт ээж”-ийг шалгарууллаа

2022-05-14 10:00:57

Монгол Улсад орчин цагийн Дотоодын цэрэг үүсэж хөгжсөний 100 жилийн ой, “Дэлхийн гэр бүлийн өдөр”-ийг тохиолдуулан Улаанбаатар Дотоодын цэргийн хүрээний анги, байгууллагын алба хаагчдын гэр бүлийн гишүүдийн дунд

Энэхүү арга хэмжээний үеэр Дотоодын цэргийн байгууллагын хуулиар хүлээсэн чиг үүргийн онцлогийг гэр бүлд нь таниулах, мөн Цагдаагийн ерөнхий газрын Гэр бүлийн хүчирхийлэл, хүүхдийн эсрэг гэмт хэрэгтэй тэмцэх хэлтсээс “Гэр бүлийн хүчирхийлэлтэй тэмцэх тухай, Хүүхэд хамгааллын тухай хууль тогтоомж”, Гэр бүл, хүүхэд залуучуудын хөгжлийн газраас “Гэр бүлийн харилцаа” сэдвээр сургалт зохион байгуулсан юм. 

Арга хэмжээний үеэр алба хаагчдын дунд явуулсан санал асуулгаар “Бахархалт аав”, “Бахархалт ээж”-ийг шалгаруулж, “Гэр бүлдээ бичих миний сэтгэлийн үг” сэдэвт захидлын уралдаанд тэргүүн, дэд, гутгаар байр эзэлсэн алба хаагчдыг шалгаруулав.

Дотоодын цэргийн байгууллагын “Бахархалт аав”-аар Дотоодын цэргийн 05 дугаар ангийн Хамгаалалтын зургаадугаар салбарын захирагчийн орлогч, ахлах дэслэгч Х.Батбаяр, “Бахархалт ээж”-ээр Дотоодын цэргийн 805 дугаар ангийн Ус хангамжийн эх үүсвэрийг хамгаалах хоёрдугаар салбарын салааны захирагч, ахлах ахлагч Ш.Ганчимэг нар тодорлоо.

“Хамгаалалтад хамтдаа” арга хэмжээ алба хаагчдын гэр бүлийн гишүүдийн дунд “Гар бөмбөг”-ийн тэмцээнээр үргэлжлэв. 

Нийтэлсэн: Т.Болор-Эрдэнэ

“Бахархалт аав”, “Бахархалт ээж”-ийг шалгарууллаа  
Үзсэн: 749 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй