Насанд хүрэгчдийн 2020 оны УАШТ-ий хүрэл медальт, “Алдар” спорт хорооны тамирчин, спортын мастер Баянмөнхийн Отгонтуяа өчигдөр “Бишкек-2022” тэмцээний 55 кг-ын жинд алтан медаль хүртэж Монгол Улсын Төрийн дууллаа эгшиглүүллээ.

Тэрбээр үдээс өмнө 2021 оны Азийн АШТ-ий хүрэл медальт Казахстаны Ассылзат Сагымбайг 7:2-оор, эзэн орны бөх Арук Кадырбек Кызыг цэвэр ялаад байсан юм Ийн сүүлийн барилдаандаа гурван жилийн өмнө нь Улаанбаатарт болсон “U23” насны Азийн аваргаас хүрэл медаль хүртэж байсан Энэтхэгийн Жиотийг 9:4-өөр илүүрхсэнээр Азийн аварга боллоо.