Шууд Chart

ТЦА: Зам тээврийн ослын улмаас нэг жилд 400-600 хүн нас барж, 2500-3000 хүн гэмтэж байна

2022-06-27 15:44:00

Тээврийн цагдаагийн албаны Жижүүрийн шуурхай удирдлагын төв өнгөрсөн амралтын өдрүүдэд буюу энэ сарын 25-26-нд нийт 565 дуудлага хүлээн авснаас зам тээврийн ослын шинжтэй 357 мэдээлэл бүртгэгджээ. Бүртгэгдсэн зам тээврийн ослын улмаас нийслэлд 16, орон нутагт 13, нийт 29 хүн бэртсэн бөгөөд нийслэлд 5, орон нутагт 3 хүүхэд гэмтсэн байна. Мөн орон нутагт ослын улмаас 2 хүн нас баржээ.

Тодруулбал, нийслэлд явган зорчигчтой холбоотой 10, мотоцикл осолдсон 2, автомашин мөргөлдсөн нэг, унадаг дугуйтай холбоотой 2 осол бүртгэгдсэн бол орон нутагт автомашин онхолдсон ослын улмаас нэг, автомашин мөргөлдсөн ослын улмаас нэг хүний амь хохирчээ.

Нийслэлийн хэмжээнд гудамж замд зохион байгуулсан хяналт, шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон 220 зөрчил илрүүлжээ. Үүнээс согтууруулах ундааны зүйл хэрэглэсэн үедээ хөдөлгөөнд оролцсон таван жолооч, нэг явган зорчигч зам тээврийн осолд холбогдсон байна.

байгаа учир улсын хэмжээнд “Аажуу явбал аяндаа хүрнэ дээ” нэгдсэн арга хэмжээг 6 дугаар сарын 20-ны өдрөөс 9 дүгээр сарын 15-н хүртэлх хугацаанд зохион байгуулж байна.

Дээрх арга хэмжээний хүрээнд нийслэл аймгийн цагдаагийн газрын бие бүрэлдэхүүн  цагийн менежментийн дагуу 24 цагаар орон нутгийн замд хяналт шалгалт хийж, иргэдийн амар тайван ая тухтай зорчих нөхцөлийг ханган ажиллаж байгаа юм.

Нийтэлсэн: Т.Болор-Эрдэнэ

ТЦА: Зам тээврийн ослын улмаас нэг жилд 400-600 хүн нас барж, 2500-3000 хүн гэмтэж байна  
Үзсэн: 302 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй