Үндэсний телевиз
Цагийн хүрд
Найм арваннэг
Хүнс, хөдөө аж ахуй, хөнгөн үйлдвэрийн сайд Х.Болорчулуун Монгол Улс дахь Франц Улсын Элчин сайд Сэбастиен Сүрүнийг хүлээн авч уулзлаа.
Уулзалтаар хоёр орны хөдөө аж ахуйн салбарын хамтын ажиллагаа, ирэх 10-р сард Франц Улсын Клермон-Ферран хотноо 31 дэх жилдээ уламжлал болон зохион байгуулах мал аж ахуйн олон улсын үзэсгэлэнд Монгол Улс 2022 оны “Хүндэт зочин орон”-оор оролцох бэлтгэл ажлын талаар ярилцлаа.
Монгол-Францын хөдөө аж ахуйн салбар дахь хамтын ажиллагаа сүүлийн жилүүдэд бизнесийн түвшинд идэвхижин ялангуяа мах, сүүний чиглэлийн эрчимжсэн фермийн аж ахуйн технологийг нутагшуулах, малын үүлдэр угсааг сайжруулах, мал эмнэлгийн салбарын хамтын ажиллагаа өргөжүүлэх чиглэлд хөгжиж байна.
Хоёр орны хөдөө аж ахуйн салбар дахь хамтын ажиллагааны нөөц бололцоог бүрэн дүүрэн ашиглах, Францын техник, технологийг Монголд нэвтрүүлэх, нутагшуулахад чиглэсэн үйл ажиллагааг идэвхижүүлэх зорилгоор Монгол-Францын хөдөө аж ахуйн яам хооронд байгуулсан санамж бичгийн хүрээнд хоёр тал найрсаг хамтран ажиллаж байгаа билээ.
Эх сурвалж: ХХААХҮЯ
| Монгол, Францын хамтын ажиллагаа бизнесийн түвшинд идэвхжин хөгжиж байна | ||
| Үзсэн: 243 | Mongolian National Broadcaster |
Р.Слава
Шог зураач Л.Мөнхбат
О.Шинэтуяа
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.