Шууд Chart

Арав хоногийн цаг агаарын урьдчилсан төлөв

2024-04-12 14:59:26

2024 оны 04 дүгээр сарын 12-ноос 04 дүгээр сарын 21-нийг хүртэлх цаг агаарын урьдчилсан төлөв

Малчид, иргэд, тээвэрчдийн анхааралд: 13-нд нутгийн төв хэсгээр, 14-нд нутгийн зүүн хагаст цас орж, цасан шуурга, нутгийн өмнөд хэсгээр шороон шуурга шуурч, ихэнх нутгаар хүйтрэхийг анхааруулж байна.

Хур тунадас: 12-нд баруун аймгуудын нутгийн баруун болон хойд хэсгээр, 13-нд баруун аймгуудын нутгийн зүүн хэсэг, төвийн аймгуудын ихэнх нутаг, говийн аймгуудын нутгийн хойд, зүүн аймгуудын нутгийн баруун хэсгээр, 14-нд төвийн аймгуудын нутгийн зүүн хэсэг, зүүн аймгуудын нутгийн хойд хэсгээр бороо, нойтон цас, цас орж, цасан шуурга шуурна, 16-нд Хөвсгөл, Хэнтийн уулархаг нутгаар, 17,18-нд Алтай, Хангай, Хөвсгөлийн уулархаг нутгаар, 20-нд баруун аймгуудын нутгийн хойд хэсэг, төвийн аймгуудын нутгийн баруун хойд хэсгээр, 21-нд төв, говь, зүүн аймгуудын нутгийн зарим газраар хур тунадас орно.

Салхи: 12-нд баруун аймгуудын ихэнх нутгаар, 13-нд төв, говь, зүүн аймгуудын нутгаар, 14-нд говь, тал, хээрийн нутгаар секундэд 18-20 метр, зарим үед секундэд 24 метр, 17,18-нд говь, тал, хээрийн нутгаар, 20-нд нутгийн зарим газраар, 21-нд төв, говь, зүүн аймгуудын нутгаар секундэд 12-14 метр хүрч, шороон шуурга шуурна.

Агаарын температур: 13-нд нутгийн баруун хагаст, 14-нд нутгийн зүүн хагаст өмнөх өдрүүдээсээ хүйтэрч Увс нуур болон Дархадын хотгор, Завхан голын эх, Хүрэнбэлчир орчим, Идэр, Тэс голын  хөндийгөөр шөнөдөө 12-17 хэм, өдөртөө 1-6 хэм, Алтай, Хангай, Хөвсгөл, Хэнтийн уулархаг нутаг, Орхон, Сэлэнгэ, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 7-12 хэм хүйтэн, өдөртөө 3 хэмийн хүйтнээс 2 хэмийн дулаан, говийн бүс нутгийн өмнөд хэсгээр шөнөдөө 3 хэмийн хүйтнээс 2 хэмийн дулаан, өдөртөө 6-11 хэм дулаан, бусад нутгаар шөнөдөө 2-7 хэм хүйтэн, өдөртөө 1-6 хэм дулаан байна.

Улаанбаатар хот орчмын 10 хоногийн цаг агаарын урьдчилсан төлөв

Хур тунадас: 13-нд оройдоо бороо, 13-14-нд шилжих шөнө нойтон цас орж, зөөлөн цасан шуурга шуурна.

Салхи: Ихэнх хугацаанд секундэд 5-10 метр, 13-нд баруун өмнөөс хойш эргэж секундэд 12-14 метр хүрч, шороон шуурга шуурна. 

Агаарын температур: Өмнөх өдрүүдээсээ хүйтэрч шөнөдөө 2-7 хэм, өдөртөө 1-6 хэм дулаан байна. 


Арав хоногийн цаг агаарын урьдчилсан төлөв  
Үзсэн: 8714 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй