Завхан аймгийн Их-Уул сумын харьяат, “Алдар” спорт хороо, “Завхан” дэвжээ, “Хөтөлийн цемент шохой” компанийн бөх улсын гарьд Б.Гончигдамба “Даян” нэртэй чөлөөт бөхийн клуб нээжээ. Тэрбээр бөхийн замналаа чөлөөт бөхийн спортоор эхлүүлснээс гадна манай улсын топ таван спортын нэг болохоор энэ бөхийн төрлийг сонгожээ. Түүнчлэн өнгөрсөн жилийн чөлөөт бөхийн УАШТ-нд аймгийн арслан Б.Чимэдвандан, аймгийн заан Т.Бэгзсүрэн, П.Өсөхбаатар нарыг дасгалжуулж оролцуулснаар П.Өсөхбаатар мөнгөн медаль хүртсэн билээ. Б.Гончигдамбын ирээдүйн зорилго нь өөрийн клубын тамирчдаас Олимп, дэлхийн аварга төрүүлэх юм.