Үндэсний телевиз
Цагийн хүрд
Найм арваннэг
Төв аймгийн Баян-Өнжүүл сумын Улаан цохио хэмээх газар дээд гурван насны хурдан морины уралдаан боллоо. Үүнд Төв, Дундговь, Өмнөговь, Баянхонгор аймгийн уяачид алтан туурайт ажнайгаа хөтөлж ирсэн байв. Тэднээс хамгийн их түрүү, айраг хүртсэн эрхэм бол өнгөрсөн жил Монгол Улсын Алдарт уяач цол хүртсэн “Хүй мандал” галын уяач Т.Ихбаяр байлаа.
Азарга
- Төв аймгийн Баянцагаан сумын уяач А.Ууганбаярын хонгор. “Хүй мандал” галын уяач Т.Ихбаяр сойсон.
- Төв аймгийн Алтанбулаг сумын харьяат, аймгийн алдарт уяач Д.Ганзоригийн хээр. Аймгийн алдарт уяач Б.Батхүү уясан.
- Баянхонгор аймгийн Баян-Овоо сумын уугуул Ц.Энхтайваны хонгор. “Хүй мандал” галын уяач Т.Ихбаяр уясан.
- Төв аймгийн Баян сумын уяач Б.Нямжавын хонгор. Энэ адуу 2013 онд шүдлэн насандаа аймгийнхаа 90 жил, төвийн бүсийн даншиг наадамд айрагдаж, хязааландаа Сүхбаатар аймгийн “Жавхлант шарга” уяачдын холбооны нэрэмжит наадамд түрүүлж байв. Дорнод аймгийн Эрээнцав сумын уяач Г.Бадар-Ууганы унаган адуу юм.
- Төв аймгийн Алтанбулаг сумын уяач Д.Баярмөнхийн хар.
Их нас
- Баянхонгор аймгийн Баян-Овоо сумын уяач Ц.Энхтайваны хонгор халзан. Сүхбаатар аймгийн Онгон сумын харьяат, аймгийн алдарт уяач Б.Буян-Оршихийн унаган адуу бөгөөд соёолондоо зүүн бүсийн даншиг наадамд айрагдаад байхдаа 2013 онд Ц.Энхтайванд ирсэн гэдэг. Тэрбээр улсын болон “Их хурд” уралдаанд айрагдуулж, Геннисийн уралдаанд түрүүлүүлсэн. Уяа сойлгыг нь Т.Ихбаяр тааруулдаг.
- Дундговь аймгийн Адаацаг сумын уяач Б.Батхүүгийн хүрэн.
- Говь-Алтай аймгийн Бигэр сумын уяач Ж.Мөнхтөрийн хүрэн. Монгол Улсын алдарт уяач Ц.Цэрэнбал уясан.
- Төв аймгийн Бүрэн сумын уяач Э.Эрдэнэ-Уулын зээрд.
- Төв аймгийн Алтанбулаг сумын харьяат, аймгийн алдарт уяач Д.Ганзоригын хонгор халзан. Тус сумын харьяат, аймгийн алдарт уяач Б.Батхүү уясан.
Соёолон
- Төв аймгийн Баян-Өнжүүл сумын уяач И.Туваандоржийн зээрд.
- Төв аймгийн Сэргэлэн сумын харьяат, аймгийн алдарт уяач П.Сүрэнжавын хонгор.
- Төв аймгийн Баянцогт сумын уяач С.Отгонбаярын зээрд.
- Төв аймгийн Алтанбулаг сумын уяач Д.Баярмөнхийн алаг.
- Төв аймгийн Баянцогт сумын уяач Б.Мэндсайханы хонгор халзан.
| Т.Ихбаярын сойсон хүлгүүд хурдтай байлаа | ||
| Үзсэн: 1488 | Mongolian National Broadcaster |
А.Ариунзаяа
Р.Слава
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.