Сэтгүүлч Г.Алтантүрүүгийн хөтлөн явуулдаг “Танайд хоноё” нэвтрүүлгийн өчигдрийн дугаарт Монгол Улсын арслан Э.Оюунболд оролцсон юм. Тэрбээр хүүхэд нас, гэр бүл, төрийн наадамд түрүүлсэн баярт мөч, тусалж дэмжсэн хүмүүс гээд олон сайхан зүйлийн талаар хууч хөөрсөн.

Г.Алтантүрүү ярилцлагынхаа үеэр тэдний том өрөөнд орохдоо Чингис хааны хөрөгтэй хивс байхыг хараад “Хэнтий нутгийн хүү Эзэн богд Чингис хааныхаа хөргийг хоймортоо залалгүй яахав дээ” гэхэд Э.Оюунболд “Тэгэлгүй яах вэ, их хааныхаа төрсөн нутагт төрсөн би түүнийг өвөөгөө гэж боддог” гэсэн юм.

Өнөөдөр цахим ертөнцөд “Чингис хаан Э.Оюунболдын өвөө гэнэ” хэмээх пост хурдацтай тархаж байна.