Чөлөөт бөхийн насанд хүрэгчдийн улсын аварга шалгаруулах тэмцээн Орхон аймгийн “Хангарьд” спортын ордонд үргэлжлэн явагдаж байна. Уг тэмцээн нь Монгол бөх олимпийн наадмаас анх медаль хүртсэний 50, “Эрдэнэт үйлдвэр” ХХК-ийн 40 жилийн ойн нэрэмжит хүрээнд зохион байгуулагдаж байгаа юм.

Тэмцээний хоёр дахь өдөр эмэгтэйчүүдийн 50, 57, 68, 72 кг-ын жингийн барилдаан болж, медальтнууд тодорлоо.

Дэвжээнд гарсан шилдэг бөхчүүдээс дэлхийн аваргын гурван хүрэл медальт, гавьяат тамирчин Очирбатын Насанбурмаа 72 кг-д, Азийн аваргын мөнгө, хүрэл медальт Ш.Түмэнцэцэг 68 кг-д түрүүллээ. Мөн “Сомбатхей 2011” өсвөрийн ДАШТ-ий мөнгө, “Загреб-2014” залуучуудын ДАШТ, “U 23” ДАШТ-ий алтан медальт Алтанцэцэгийн Батцэцэг 57 кг-д аваргын алтан медалийг зүүв.

О.Насанбурмаа улсын аваргын найм, Ш.Түмэнцэцэг зургаа дахь түрүүгээ ийнхүү хүртлээ.

ДҮН:

ЭМЭГТЭЙ:

50 кг: (15 бөх)

• Алтан медаль: Э.Нарангэрэл (Хангарьд)
• Мөнгөн медаль: Ц.Намуунцэцэг (Хасумегастарс)
• Хүрэл медаль: С.Энхтунгалаг (Төгс), Н.Анударь (Аврагч)

57 кг: (12 бөх)

• Алтан медаль: А.Батцэцэг (Хасумегастарс)
• Мөнгөн медаль: Б.Энхтүвшин (Аврагч)
• Хүрэл медаль: П.Шинэхүү (Алдар), Б.Болортуяа (Женко)

68 кг: \7 бөх\

• Алтан медаль: Ш.Түмэнцэцэг (Хилчин)
• Мөнгөн медаль: М.Хишигмаа (Хүч)
• Хүрэл медаль: Х.Мөнхтуяа (Цастын барс), Э.Даваанасан (Алдар)

72 кг: (11 бөх)

• Алтан медаль: О.Насанбурмаа (Женко)
• Мөнгөн медаль: З.Болортунгалаг (Хангай хайрхан)
• Хүрэл медаль: Б.Даваацэрэн (Аваргууд), П.Номин-Эрдэнэ (Алдар)