Чөлөөт бөхийн эмэгтэйчүүдийн 17 дахь удаагийн Дэлхийн цомын тэмцээн өнгөрсөн бямба гарагт Японы Такасаки хотод эхэлсэн юм.

Дэлхийн цомын нэг мөнгө, хоёр хүрэл медальт, Монголын эмэгтэйчүүдийн үндэсний шигшээ баг тамирчид “В” хэсгийн эхний барилдаанаа 2007, 2008, 2009, 2010, 2011, 2013 оны Дэлхийн цомын аварга БНХАУ-ын шигшээ багтай хийсэн.

Хэзээнээс манайхны хэцүү өрсөлдөгч байсаар ирсэн Нанхиадын эмэгтэй бөхчүүдэд 1:9-өөр ялагдсан юм. Манайхнаас цорын ганц ялалтыг “Будапешт-2013” ДАШТ-ий мөнгөн медальт, ОУХМ Э.Сумъяа Оюан Жинлинг 8:7-гоор ялсан юм.

Гэхдээ манайхан Япон, АНУ, БНХАУ, Беларусь, Швед, Канад, Румын гэсэн долоон улсын бөхтэй өрсөлдсөнөөс Монголын эмэгтэй бөхчүүд ээлжит хүрэл медалиа хүртэж чадав. Ийнхүү тэд тус тэмцээний нэг мөнгө, гурван хүрэл медальтай боллоо. 

Хүрэл медалийн төлөөх барилдаан Монгол-АНУ 6:4

50 кг: Эрдэнэсүхийн Нарангэрэл – Виктория Энтони 2:8
53 кг: Эрдэнэчимэгийн Сумъяа – Сара Хильдебрант 10:6
55 кг: Эрхэмбаярын Даваачимэг – Жакарра Винчестер 9:6
57 кг: Алтанцэцэгийн Батцэцэг – Аллисон Рэган 10:0
59 кг: Баатаржавын Шоовдор – Кайла Миракле 5:4
62 кг: Пүрэвдоржийн Орхон – Мэллори Велт 9:11
65 кг: Соронзонболдын Батцэцэг – Форрест Молинари цэвэр ялагдсан
68 кг: Шархүүгийн Түмэнцэцэг – Тамыра Менса цэвэр ялсан
72 кг: Очирбатын Насанбурмаа – Виктория Фрэнсис 11:3
76 кг: Амгаланбаатарын Чанцалнямаа – Аделине Грэй 0:10

 

---

	Монголын эмэгтэй бөхчүүд ээлжит хүрэл медалиа хүртэж чадав
Үзсэн: 1836	Mongolian National Broadcaster