Үндэсний телевиз
Цагийн хүрд
Найм арваннэг
АНУ-д ирэх сарын эхээр болох чөлөөт бөхийн “Дэлхийн цом”-ын тэмцээнд оролцох Казахстаны дөрвөн бөхөд виз олгосонгүй.
Казахстаны Бөхийн холбооны дэд ерөнхийлөгч Ерлан Кожасбай “Одоогийн байдлаар манай дөрвөн бөхөд ямар ч тайлбаргүйгээр виз өгөхөөс татгалзсан. Бид Америкийн бөхийн холбоонд хандсан ч тэд ЭСЯ-нд нөлөөлж чадсангүй. “Дэлхийн цом”-д өсвөрийн олимпийн аварга Куатбек Мухамбет, Кайрат Амиртаев нар явж чадахгүй боллоо. Бид дахиад хүсэлт гаргасан ч ЭСЯ дахиад л татгалзсан. Тэмцээнд орохоо болих гэхээр Дэлхийн бөхийн нэгдсэн холбоонд их хэмжээний торгууль төлөх болно.
Дэлхийн бөхийн нэгдсэн холбоонд ямар ч гэсэн юу болоод байгааг тайлбарлалаа. Холбооноос визанд туслах, үгүй юм гэхэд тэмцээнд ороогүй тохиолдолд торгуулиа цуцлах арга хэмжээ авах байх. Тэмцээний мэдүүлэг ирэх дөрөвдүгээр сарын 4 хүртэл болохоор тэр болтол виз авах байх гэж найдаж байна. Хэрэв чадахгүй бол бид “Дэлхийн цом”-д амжилттай оролцоно гэж амлаж чадахгүй. Яагаад гэвэл өрсөлдөгч багууд хүчирхэг бүрэн бүрэлдэхүүнтэй байх болно” гэж сэтгүүлчдэд ярьжээ.
| АНУ Казахстаны дөрвөн бөхөд виз олгосонгүй | ||
| Үзсэн: 2086 | Mongolian National Broadcaster |
У.Баярсайхан
Л.Мөнхтөр
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.