Өнөөдөр аргын тооллын 2018 оны зургаадугаар сарын 12. Мягмар гараг. Билгийн тооллын XVII жарны “Тийн унжлагат” хэмээх шороон нохой жилийн Зуны тэргүүн улаагчин могой сарын 28. Ангараг гараг. Нэгэн эхийн зургаан хөвгүүн одтой, таван шар мэнгэтэй, хөхөгчин гахай өдөр.

                          Барилдлага: Арвидах   
                          Шүтэн барилдлага: Тийн мэдэхүй   
                          Суудал: Огторгуй

Өдрийн наран 4 цаг 53 минутад мандан, 20 цаг 50 минутад жаргана. Тухайн өдөр хонь, туулай жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

Эл өдөр худалдаа арилжаа хийх, бизнес эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, нялхасын хурим хийх, сүм дуганыг сэргээх, огторгуйн үүдийг боох, их хүмүүнтэй уулзахад сайн. Газар ухах, худаг гаргах, гөлөг тэжээх, балгадын суурь тавих, нохой худалдан авахад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулахад тохиромжгүй хэмээжээ.

* * *ӨРНИЙН ЗУРХАЙ * * *

ХОНЬ (3/21-4/19)

Өдрийн эхэнд тайван байж болзошгүй. Та өөрийнхөө тухай сайхан үг сонсож болзошгүй. Өдрийн сүүлээр ихэнхи хүмүүс цухалдаж харамсах болно. Хар санаанд автах хэрэггүй. Бодлоготой байгаарай. Ихэнхи хүмүүс их зарлага гаргах болно. Санхүүгийн алдагдалд орж болзошгүй. Гэр бүлд хүүхдийн хэрэгцээ шаардлагаас болж зарлага гарах магадлалтай.

ҮХЭР (4/20-5/20)

Өнөөдөр гэнэтийн санамсаргүй зөрчил маргаан үүсч тулгамдсан хурц асуудлуудаа шийдвэрлэх шаардлага гарах магадлал өндөр байна. Уран бүтээлч мэргэжлийн хүмүүс олны анхаарлын төвд байх бололтой. Аялалд явахаар бэлтгэж байгаа бол таатай цаг нь яг л одоо ирж байна. Мөн үүнээс гадна таны өмнө анзаарч ч байгаагүй хэн нэгэн таны анхаарлыг татаж магадгүй.

ХАМТАТГАХ (5/21-6/21)

Аяллын виз болон паспорт зэргийг зохицуулахад таатай бөгөөд гадаад руу сэтгэл хөдөлгөм аялалд явахаа тэсэн ядан хүлээх хэрэгтэй болно. Энэ өдөр өөрийн болон гэр бүлийнхнийхээ сонирхож буй аялах газрыг хайж олоход тохиромжтой үе. Мөнгө төгрөгний асуудал таныг болон бусдын сэтгэлийг зовоох болно.

 МЭЛХИЙ  (6/22-7/22)   

Хэт их ажиллах хэрэггүй. Та арай бага зүйлийг хийхээр хүлээн авахад амьдрал тань илүү хөгжилтэй байх болно. Тодорхой бус төгсгөлийг дуусгавал тодорхой болсон зүйлс бизнесийн ядаргаатай асуудалд цэг тавих болно. Хайрын харилцаа тань гэрлэлт бодох хүртэл дараагийн шатанд орох болно.

АРСЛАН (7/23-8/22)   

Хууран мэхлэгдэж сэтгэл гонсойх уулзалтууд болох эсвэл таагүй явдал учирч урам хугарах өдөр. Гэнэтийн тооцоолоогүй зарлагууд өрхийн төсвийг хүндрүүлнэ. Өөрийгөө бүү шүүмжил энэ нь юуг ч өөрчлөхгүй. Өөдрөг байхыг хичээ. Энэ үе бол өөрийнхөө талаар илүү их мэдэж авахад хамгийн тохиромжтой үе бөгөөд энэ нь таныг зөв сонголт хийхэд туслах болно.

ОХИН (8/23-9/22)

Гэнэтийн таагүй байдалд оруулах эсвэл төлөвлөгөөгөө заавал өөрчлөхөд хүргэх мэдээ хүлээн авах бололтой. Болгоомжгүй үг хэллэг согтууруулах ундаанаас татгалз. Унаж бэртэх аюултай байгаа тул өндөрөөс болгоомжил. Эцэг эхчүүд ажлаасаа болж хүүхдээсээ хөндий байх бөгөөд нэг нэгэндээ илүү их цаг гаргахыг хичээ.

ЖИНЛҮҮР (9/23-10/22)   

Урьд өмнө төлөвлөж байгаагүй шинэ сонин зүйл танай гэр бүлд чинь тун ойр байна. Та энэ бүхнийг хэзээ ч төлөвлөж байгаагүйдээ гайхах болно. Үүнийг та маш овжноор ашиглах хэрэгтэй. Танд тэр болгон ирээд байхгүй завшаан гэдгийг та ойлгох хэрэгтэй. Урт хугацаанд хүсэж байгаа сайхан санаа тань хоосон байж болох ч бусдын амжилтанд хүрэхэд тус нэмэр болох нь сайхан үйлсийн нэг хэсэг юм.

ХИЛЭНЦ (10/23-11/21)   

Та хувийн болон ажил мэргэжлийн харьцаа холбоондоо анхаарлаа хандуул. Дараагийн хэдэн хоногийн турш од эрхэсийн эерэг нөлөөг ашиглан амьдралд чинь чухал үүрэг гүйцэтгэдэг хүмүүстэй ярилц. Санаа бодол мэдрэмж, харилцан хоёр талын зорилт зэргээ ярьж зөвшилц.

НУМ (11/22-12/21)

Урам зориг ба сэтгэмж оргилдоо хүрнэ. Зарим хүмүүс гэр бүлийнхнийгээ зугаацуулах урам зоригоор дүүрэн байна. Та амьдарч буй орон байр, орчноо сайжруулахыг хүсч болох юм. Хэрэв засвар хэрэгтэй байгаа бол энэ цагийг гэгээлэг өнгөтэй ханын будаг, олон өнгөтэй хөшиг сонгоход зарцуул. Ямар ч өөрчлөлт хийсэн эргэлзээгүйгээр байдлыг сайжруулна. Найз нөхөд, хайртай хүмүүстэйгээ үнэнч, илэн далангүй бай. Дуртай зүйлдээ цаг гаргавал орой таатай өнгөрнө.

МАТАР (12/22-1/19)

Эргэлзээтэй асуудал ор мөргүй арилах бөгөөд бүх зүйл маш тодорхой болж ирнэ. Таны эрч хүч өнөөдөр ихээхэн хэлбэлзэлтэй байх бөгөөд алдсан эрч хүчээ нөхөж авахын тулд амин дэм уургаар баялаг хоол хүнс хэрэглэ. Ажил амралтаа зөв зохицуул. Санаа зовохоо боль. Хэрвээ таны сэтгэл санаа бага зэрэг гундуухан байвал өөрийгөө сэргээх ямар нэг зүйл хий. Та өөрийнхөө хүч чадлыг мэдэрч өөртөө итгэлтэй байвал амьдралаа дээшлүүлэхийн тулд өөрчлөлт хийж чадна.

ХУМХ (1/20-2/18)

Шинэ найзуудтай болох хэдий ч хурдан бүү дотносоорой. Хэрвээ та ажлаасаа сэтгэл ханамжийг мэдэрч чадахгүй байгаа бол өөрчлөлт хийхээс бүү татгалзаарай. Энэ өдөр аялалд гарах болон аялалтай холбоотой асуудлуудыг амжуулахад таатай. Өөрийн төлөвлөгөөгөө нэн тэргүүнд тавьснаар энэ нь танд хурдан ажил үүргээ амжилттай дуусгах боломжийг өгнө. 

ЗАГАС (2/19-3/20)

Хайртай хүнтэйгээ романтик болзоонд явах нь гунигт зовлон эсвэл хагацлыг авч ирж мэднэ. Гэвч энэ өдөр танилцах хүн таны сэтгэлийн шархыг эдгээж магадгүй юм. Гэхдээ шинэ хайр дурлалын адал явдал тийм ч удаан үргэлжлэхгүйг од эрхсийн байрлал харуулж байна. Хосын тань ёс журамгүй зан эсвэл харилцан бие биенээ таагүй байдалд оруулах нь харилцаагаа цэглэх шалтгаан болох бололтой.