Чехийн нийслэл Прага хотын төв талбайд Ерөнхий сайд Андрей Бабашаас огцрохыг шаардагчдын томоохон жагсаал цуглаан боллоо. Жагсагчид мөн түүний тэргүүлдэг Сэтгэл хангалуун бус иргэдийн үйлдэл нэртэй улс төрийн хүчнийг ч эсэргүүцэж байгаагаа илэрхийлцгээж байлаа. Жагсагчид Ерөнхий сайд Бабишийг авилгын хэргээс гадна хүүхэд хулгайлсан, социалист Чехословак улсын улсын аюулгүй байдлын албатай хамтран ажилладаг байсан зэрэгт буруутгаж байна.
Төрсөн хүүгээ анхны эхнэрээсээ хулгайлж байсан хүн засгийн газрын тэргүүн байх ёсгүй хэмээн эсэргүүцэж байлаа. Мөн хүүгээ компанийнхаа эзэмшигчээр хуурамчаар бүртгүүлж Европын Холбооны сангуудаас 2 сая орчим еврогийн татаас авсан гэж буруутгагдаж байгаа юм.
Эсэргүүцлийн энэхүү жагсаалыг иргэдийн Эй Юу Ви Эй санаачлагч бүлэг зохион байгуулсан бөгөөд Вацлавийн талбайд болсон жагсаалд 20 мянган хүн оролцсоныг мэдэгдээд байна.
Чехийн ерөнхий сайдыг огцрохыг шаардсан томоохон жагсаал цуглаан боллоо | ||
Үзсэн: 1315 | Mongolian National Broadcaster |
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.