Одоогоос 6 жилийн өмнө хулгайд алдагдсан Пабло Пикассогийн Арлекиногийн толгой нэртэй хосгүй үнэт уран зургыг Румынээс илрүүлсэн байна. 800 гаруй мянган еврогоор үнэлэгддэг энэ зургийг Румыны Тулча суурингаас Нидерландын 2 иргэн илрүүлсэн байна. Тэд Бухарест дахь Нидерландын элчин сайдын яаманд энэ уран зургыг авчирч өгсөн байна. 2012 оны 10 р сард Роттердамын уран зургийн Кюнстхал галерейд бүлэг этгээд нэвтрэн орж энэ зургийг Моне, Гоген, Матиссийн өөр 7 зурагтай хамт хулгайлсан байна.
Энэ хэргийг үйлдсэн хэргээр Румыны 3 иргэнийг баривчлан хорьсон юм. Тэдний нэгийнх нь хамаатан гэмт хэргийн ул мөрийг устгахын тулд урлагын хосгүй үнэт бүтээлүүдийг шатаасан гэж мэдүүлж байсан ч дараа нь энэ мэдүүлгээсээ буцаж байжээ. Одоогоор хулгайд алдагдсан зургуудаас зөвхөн Пабло Пикассогийнхийг л олоод байгаа нь энэ юм байна.
Хулгайд алдагдсан байсан Пабло Пикассогийн уран зургийг Румынээс илрүүлжээ | ||
Үзсэн: 665 | Mongolian National Broadcaster |
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.