Шууд Chart

УИХ-ын гишүүн Г.Мөнхцэцэг Говь-сүмбэр, Дорноговь аймгийн сурагчдын төлөөлөлтэй уулзав

2019-11-29 13:43:15

УИХ-ын гишүүн Г.Мөнхцэцэг өнөөдөр (2019.11.29) “Эх соёл-Их үндэс” хөтөлбөрийн хүрээнд зохион байгуулагдсан “Миний эх орон” эссэ бичлэгийн уралдааны оролцогчдыг Төрийн ордонд хүлээн авч уулзав. 

 Уламжлалт өв соёлоо хамгаалах, хойч үедээ өвлүүлэх, ардын авьяастнуудыг тодруулах, тэднийг дэмжих зорилготой дээрх хөтөлбөрийг УИХ-ын гишүүн Г.Мөнхцэцэг санаачлан, 2017 оноос хэрэгжүүлж байгаа юм. Говь-сүмбэр, Дорноговь аймгийн ерөнхий боловсролын сургуулийн сурагчдад эх хэлний боловсролын ач холбогдлыг таниулахаар “Миний эх орон” эссэ бичлэгийн уралдааныг 2019 оны 10, 11 дүгээр сард зохион байгуулжээ. Уралдаанд нийт 130 сурагч оролцсон бөгөөд яруу найрагчид, багш нарын бүрэлдэхүүнтэй шүүгчид 40 бүтээлийг шалгаруулсан байна. Сурагчдын эдгээр бүтээлийг эмхэтгэн “Миний эх орон” ном болгон хэвлүүлснээ өнөөдөр танилцуулав. Г.Мөнхцэцэг гишүүн “Та бүгдийн сурагч насны гэгээн дурсамж, санаж сэдэх, сурах нэгэн учиг, аавж ээж, багш нартаа төдийгүй эх орондоо барих нэгэн нандин бэлэг байгаасай хэмээн хүсч шилдэг эссээнүүдийг эмхэтгэлээ” хэмээн хэлсэн. 

    Түүнчлэн Монгол Улсын соёлын гавьяат зүтгэлтэн, яруу найрагч Ш.Гүрбазартай сурагчдыг уулзуулах арга хэмжээг Төрийн ордны номын санд зохион байгуулсан юм. 

Уулзалтын төгсгөлд “Эх соёл-Их үндэс” хөтөлбөрийн хүрээнд зохион байгуулагдсан “Миний эх орон” эссэ бичлэгийн уралдааны шилдэг бүтээлүүдийг танилцуулж, УИХ-ын гишүүн Г.Мөнхцэцэг шагналуудыг гардууллаа. 


УИХ-ын гишүүн Г.Мөнхцэцэг Говь-сүмбэр, Дорноговь аймгийн сурагчдын төлөөлөлтэй уулзав  
Үзсэн: 969 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй