Шууд Chart

Үндэсний шигшээ багийн тамирчдад вакцинжуулалтын хоёр дахь тунг хийлээ

2021-05-07 10:03:33

Монголын Үндэсний Олимпын Хороо, Засгийн газрын тохируулагч агентлаг- Биеийн тамир, спортын улсын хороотой хамтран Улсын онцгой комисс болон Засгийн газрын хэрэг эрхлэх газарт “Токио-2020” олимп, паралимпийн наадамд оролцох Монголын баг тамирчдыг вакцинд хамруулах хүсэлт гаргасны дагуу өнгөрөгч гуравдугаар сарын 10-нд эхний тунг хийсэн. Тэгвэл саяхан вакцинжуулалтын хоёрдугаар тунг Үндэсний шигшээ багийн ихэнх тамирчдад хийлээ.

Үндэсний шигшээ багийн бүрэлдэхүүнд олимпын 15, паралимпийн долоо нийт 270 тамирчин, дасгалжуулагч харьяалагддаг.

Үүнээс эхний ээлжинд буюу хуваарийн дагуу бадминтон, усанд сэлэлт, бокс, жүдо, чөлөөт бөх, 3х3 сагсан бөмбөг, тэквондо, байт харваа, хүндийн өргөлт, гимнастик, пара тэквондо, пара байт, пара буудлага, пара пауэрлифтинг зэрэг спортын төрлийн 190 тамирчин, дасгалжуулагчдад Астра-Зенека вакцинын хоёрдугаар тунг хийсэн байна.

Манай баг тамирчдын олимпын эрх олгох Ази тивийн болон ДАШТ-д оролцох, эрхийн оноо цуглуулах цуврал тэмцээнүүдэд өрсөлдөхөд вакцинд хамрагдсан нь олон талын чухал ач холбогдолтой болоод байна.

 

Нийтэлсэн: У.Баярсайхан

Үндэсний шигшээ багийн тамирчдад вакцинжуулалтын хоёр дахь тунг хийлээ  
Үзсэн: 392 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй