2022 оны 01 дүгээр сарын 17-ноос 2022 оны 1 дүгээр сарын 24-нийг хүртэлх
7 хоногийн цаг агаарын урьдчилсан төлөв

17-19-нд нутгийн зүүн хагаст хүйтэн жавартай байна.

Хур тунадас: 17-нд Хэнтэйн уулархаг нутгаар, 18-нд зүүн аймгуудын нутгийн зарим газраар, 19-нд нутгийн хойд хэсгээр, 20-нд баруун болон төвийн аймгуудын нутгийн хойд хэсгээр, 21-нд баруун аймгуудын нутгийн зарим газраар, төв, зүүн аймгуудын нутгийн хойд хэсгээр, 22-нд баруун аймгуудын нутгийн зарим газраар, 23,24-нд нутгийн зарим газраар цас орж, явган шуурга шуурна.

Салхи: 21-нд Алтайн салбар уулсаар секундэд 12-14 метр хүрч ширүүсч, бусад хугацаанд ихэнх нутгаар секундэд 5-10 метр.

Агаарын температур: Увс нуур болон Дархадын хотгор, Завхан голын эх, Хүрэнбэлчир орчим, Идэр, Тэс, Халх голын хөндийгөөр шөнөдөө 31-36 хэм, өдөртөө 18-23 хэм, Их нууруудын хотгор, Алтай, Хангай, Хөвсгөл, Хэнтэйн уулархаг нутаг, Дарьгангын тал нутаг, Эг, Үүр, Хараа, Ерөө, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 25-30 хэм, өдөртөө 11-16 хэм, цас багатай газар болон говийн бүс нутгийн өмнөд хэсгээр шөнөдөө 11-16 хэм хүйтэн, өдөртөө 3 хэм хүйтнээс 2 хэм дулаан, бусад нутгаар шөнөдөө 18-23 хэм, өдөртөө 5-10 хэм хүйтэн байна.