Их эзэн Чингис хааны мэндэлсний 860 жилийн түүхт ой, “Монгол бахархал”-ын өдөр болон Бүгд Найрамдах Улсыг тунхаглаж, Үндсэн Хууль баталсны 98 жилийн ойд зориулсан Үндэсний бөхийн барилдаан Монгол бөхийн өргөөнд үргэлжилж байна.

Дөрвийн даваанд Монгол Улсын заан Н.Жаргалбаяр аймгийн заан Э.Мөнхжаргалтай оноолт таарсан ч аймгийн заан ээлжит даваа авлаа.

Энэ даваанд тэдний барилдаан хамгийн үзүүштэй болсон тул үзэгчид маш их анхааралтай харж байсан юм.  

Э.Мөнхжаргалын хувьд энэ жилийн сар шинийн барилдаанд аймгийн заан цолтойдоо түрүүлсэн анхны бөхөөр бичигдээд байгаа билээ.