Шууд Chart

М.Лхагвагэрэл, Т.Тулга нар Poddubny Wrestling League (PWL-3) тэмцээнд хүч үзнэ

2022-11-29 09:43:13

Киргизийн нийслэл Бишкек хотод ирэх арванхоёрдугаар сарын 20-нд чөлөөт бөхийн Poddubny Wrestling League (PWL-3) тэмцээн болно.

Үүнд World Series системээр дэлхийн шилдэг бөхчүүдийн халз барилдааны журмаар явагдах юм. Тэмцээний гол одод нь олимпын аварга, ОХУ-ын Заурбек Сидаков, Заур Угуев, олимпын медальт Артур Найфонов (ОХУ), Амир Заре (Иран), Мээрим Жумназарова (Киргиз), дэлхийн аварга Малхас Амоян (Армен), Жоламан Шаршенбеков (Киргиз) болон манай ДАШТ-ий хос медальт, гавьяат тамирчин Мөнхтөрийн Лхагвагэрэл, ДАШТ-ий хүрэл медальт, ОУХМ Төмөр-Очирын Тулга нар байх юм.

М.Лхагвагэрэл Ираны дэлхийн аварга, олимпын хүрэл медальт А.Заре, Т.Тулга ОХУ-ын аварга, шинэ од Ибрагим Ибрагимовтой барилдах болсон байна.

Тэмцээн Улаанбаатарын цагаар 22.00-д эхлэх бөгөөд www.wrestlingtv.ru сайт шууд дамжуулан үзүүлэх юм.

Нийтэлсэн: У.Баярсайхан

М.Лхагвагэрэл, Т.Тулга нар Poddubny Wrestling League (PWL-3) тэмцээнд хүч үзнэ   
Үзсэн: 161 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй