Шууд Chart

Энэ долоо хоногт цаг агаар ямар байх вэ

2023-04-18 10:59:42

2023 оны 4 дүгээр сарын 17-ноос 2023 оны 4 дүгээр сарын 24-нийг хүртэлх
7 хоногийн цаг агаарын урьдчилсан төлөв

Хугацааны эхээр ихэнх нутгаар хүчтэй салхи, шороон шуурганы аюултай болон гамшигт үзэгдэл болно.

Хур тунадас: 17-нд баруун аймгуудын нутгийн баруун, зүүн аймгуудын нутгийн зүүн хэсгээр, 18-нд баруун болон говийн аймгуудын нутгийн зарим газар, төвийн аймгуудын нутгийн баруун хойд хэсгээр, 19-нд төв, зүүн аймгуудын нутгийн зарим газраар, 22-нд Монгол-Алтайн уулархаг нутгаар, 23-нд баруун аймгуудын нутгийн өмнөд, говийн аймгуудын нутгийн баруун хэсгээр бороо, нойтон цас орно.

Салхи: 18-нд нутгийн баруун хагаст, 19-нд ихэнх нутгаар секундэд 18-20 метр, зарим үед секундэд 24-34 метр хүрч ширүүсэж, хүчтэй шороон шуурга шуурч, бусад хугацаанд секундэд 7-12 метр, зөөлөн шороон шуурга шуурна.

Агаарын температур: 18-нд ихэнх нутгаар дулаарах боловч 19-нөөс сэрүүсэж Увс нуур болон Дархадын хотгор, Завхан голын эх, Хүрэнбэлчир орчим, Идэр, Тэс голын хөндийгөөр шөнөдөө 19-24 хэм, өдөртөө 1-6 хэм, Хангай, Хөвсгөл, Хэнтийн уулархаг нутаг, Эг, Үүр, Хараа, Ерөө, Туул, Тэрэлж, Онон, Улз, Халх голын хөндийгөөр шөнөдөө 12-17 хэм хүйтэн, өдөртөө 1 хэм хүйтнээс 4 хэм дулаан, говийн бүс нутгийн өмнөд хэсгээр шөнөдөө 3-8 хэм хүйтэн, өдөртөө 9-14 хэм дулаан, бусад нутгаар шөнөдөө 7-12 хэм хүйтэн, өдөртөө 3-8 хэм дулаан байна.


Улаанбаатар хот орчмын 7 хоногийн цаг агаарын урьдчилсан төлөв

Хур тунадас: 19, 23-нд хур тунадас орно. Бусад хугацаанд хур тунадас орохгүй.

Салхи: 19, 22-нд баруун өмнөөс хойш эргэж секундэд 8-13 метр, зарим үед секундэд 16-18 метр хүртэл ширүүсэж шороон шуурга шуурна. Бусад хугацаанд их төлөв баруунаас секундэд 6-11 метр байна.

Агаарын температур: 18-нд дулаарч өдөртөө 16-18 хэм, 19-нөөс сэрүүсч шөнөдөө Яармаг-Сонгины орчмоор 11-16 хэм, бусад хэсгээр 6-11 хэм хүйтэн, өдөртөө 3-8 хэм дулаан байна.


Энэ долоо хоногт цаг агаар ямар байх вэ  
Үзсэн: 661 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Зочин [127.0.0.xxx] 2023-04-18 21:01
Iim aimar bn grj sanasangui neg zugaalgand ywah gsen chin bur alhiim bnldaa zugaalgandaa ywahuu?? Yaahuu??

Бидэнтэй нэгдээрэй