Шууд Chart

Барилга, байгууламжийн чанар, хөдөлмөрийн аюулгүй байдал, эрүүл ахуйн аяныг дүгнэв

2023-11-30 13:17:31

Барилга хот байгуулалтын сайд, Хөдөлмөр, нийгмийн хамгааллын сайдын хамтарсан тушаалаар 2023 оны 9 дүгээр сарын 01-ний өдрөөс 12 дугаар сарын 01-ний өдрийн хооронд “Барилга байгууламжийн чанар, хөдөлмөрийн аюулгүй байдал, эрүүл ахуйн” аяныг 3 сарын хугацаанд амжилттай зохион байгууллаа.
 
Аяны хүрээнд үйлдвэрлэлийн ослыг бууруулах, мэргэжлээс шалтгаалсан өвчнөөс урьдчилан сэргийлэх, Хөдөлмөрийн аюулгүй байдал, эрүүл ахуйн чиглэлээр сургалт, хэлэлцүүлэг сурталчилгаа хийх, иргэдэд аюул ослоос сэрэмжлүүлэх энгийн дадал олгох олон төрлийн арга хэмжээг зохион байгуулсан. Тухайлбал, 11 сэдвээр 750 аж ахуйн нэгжийн 8765 инженер техникийн ажилтныг хамруулсан сургалт зохион байгуулж, төлөвлөгөөт бус шалгалтаар улсын байцаагчийн 149 албан шаардлага, 70 дүгнэлт, 561 зөвлөмжийг хүргүүлж, барилга байгууламж дахь аюулгүй байдал, эрүүл ахуйг хангуулан ажилласан байна.
 
Гурван сарын аяныг дүгнэн ажил олгогчдод зориулсан хамтарсан сургалтыг өнөөдөр зохион байгууллаа. Арга хэмжээнд Хөдөлмөр, нийгмийн хамгааллын яамны Төрийн нарийн бичгийн дарга Э.Ганхүү оролцож, аян үр дүнтэй болсныг онцлон тэмдэглээд, “2023 оны 3 дугаар улирлын байдлаар үйлдвэрлэлийн осол, хурц хордлогын 144 тохиолдол бүртгэгдсэнээс барилгын салбар 10 гаруй хувийг эзэлж байна. Барилгын салбарт үйлдвэрлэлийн ослын тоо төдийлэн буурахгүй байгаад дүгнэлт хийж, сүүлийн үед гарч байгаа ноцтой ослын шалтгаан нөхцөлийг тогтоож, урьдчилан сэргийлэх арга хэмжээнд илүү анхаарч, ажил ологч нар дотоод хяналт, техникийн бүрэн бүтэн байдлыг ханган ажиллах шаардлагатай байна гэлээ.

Эх сурвалж: ХНХЯ


Барилга, байгууламжийн чанар, хөдөлмөрийн аюулгүй байдал, эрүүл ахуйн аяныг дүгнэв  
Үзсэн: 410 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй